ബെംഗളൂരു: കാർ ബൈക്കുമായി കൂട്ടിയിടിച്ച് യുവാവ് മരിച്ചു. ഞായറാഴ്ച പുലർച്ചെ മാഗഡി റോഡിലാണ് അപകടം നടന്നത്. ബെംഗളൂരു തുംഗനഗറിൽ നിന്നുള്ള ജഗദീഷ് കെആർ (24) ആണ് മരിച്ചത്. സ്വകാര്യ കമ്പനിയിൽ ഹൗസ് കീപ്പിംഗ് സ്റ്റാഫായി ജോലി ജഗദീഷും സുഹൃത്തുക്കളും വിവാഹ സൽക്കാരത്തിൽ പങ്കെടുത്ത ശേഷം വീട്ടിലേക്ക് മടങ്ങുന്നതിനിടെയാണ് അപകടമുണ്ടായത്.
പുലർച്ചെ 2.15 ഓടെ പൈപ്പ്ലൈൻ റോഡിൽ നിന്ന് മാഗഡി മെയിൻ റോഡിലേക്ക് കടന്ന ഇവരുടെ ബൈക്കിലേക്ക് എതിർദിശയിൽ നിന്ന് വന്ന കാർ ഇടിക്കുകയായിരുന്നു. ജഗദീഷ് സംഭവസ്ഥലത്ത് തന്നെ മരിച്ചു. സുഹൃത്തുക്കളായ ഹാസൻ ജില്ലയിൽ നിന്നുള്ള രവി കെവി (26), രാമനഗരയിൽ നിന്നുള്ള സുനീൽ (24) എന്നിവർക്ക് ഗുരുതര പരുക്കേറ്റു. ഇവരെ സമീപത്തെ ആശുപത്രിയിൽ പ്രവേശിപ്പിച്ചു. സംഭവത്തിൽ കാർ ഡ്രൈവർക്കെതിരെ ബിദരഹള്ളി പോലീസ് കേസെടുത്തു.
TAGS: BENGALURU | ACCIDENT
SUMMARY: One dies as car crashes into bike
