ബെംഗളൂരു: ഗതാഗത നിയമലംഘനവുമായി ബന്ധപ്പെട്ട് അഞ്ച് മണിക്കൂറിനുള്ളിൽ അഞ്ച് ലക്ഷം രൂപ പിഴയീടാക്കി ബെംഗളൂരു ട്രാഫിക് പോലീസ്. തിങ്കളാഴ്ച രാവിലെ 11നും വൈകീട്ട് നാലിനും ഇടയിൽ നടത്തിയ സ്‌പെഷ്യൽ ഡ്രൈവിലാണ് നടപടി. 5.35 ലക്ഷം രൂപയാണ് പിഴ ഈടാക്കിയത്. നോ-എൻട്രി, വൺവേ ലെയ്ൻ ലംഘനം എന്നിവയുമായി ബന്ധപ്പെട്ട യഥാക്രമം 2.31 ലക്ഷം രൂപയും 1.95 ലക്ഷം രൂപയും ഈടാക്കി.
ട്രിപ്പിൾ റൈഡിംഗ്, ഫുട്പാത്തിലൂടെയുള്ള സവാരി, ഫുട്പാത്തിലെ പാർക്കിംഗ് എന്നിവയാണ് മറ്റ് നിയമലംഘനങ്ങൾ. മദ്യപിച്ച് വാഹനമോടിക്കുന്നതിനും അമിതവേഗതയ്‌ക്കെതിരെയും ട്രാഫിക് പോലീസ് ഡിസംബർ 16നും 22നും ഇടയിൽ പ്രത്യേക ഡ്രൈവ് നടത്തി യഥാക്രമം 769, 241 കേസുകളും രജിസ്റ്റർ ചെയ്തു. സ്‌പെഷ്യൽ ഡ്രൈവിൽ മദ്യപിച്ച് വാഹനമോടിച്ചതിന് 60,903 വാഹനങ്ങളാണ് ട്രാഫിക് പോലീസ് പരിശോധിച്ചത്. അമിതവേഗത ലംഘിച്ചതിന് 2.41 ലക്ഷം രൂപ പിഴയും ഈടാക്കി. നഗരത്തിൽ പുതുവത്സരത്തലേന്ന് സുരക്ഷ പരിശോധന കർശനമാക്കുമെന്ന് ട്രാഫിക് പോലീസ് വ്യക്തമാക്കി.
TAGS: BENGALURU | TRAFFIC VIOLATION
SUMMARY: Bengaluru traffic police collect over Rs 5 lakh in fines in five hours
