ശ്രീനഗർ: ജമ്മു കശ്മീരില്‍ വീണ്ടും ഏറ്റുമുട്ടല്‍. സോപ്പോറിലെ രാംപോരയിലുണ്ടായ ഏറ്റുമുട്ടലില്‍ ഒരു ഭീകരനെ സുരക്ഷാസേന വധിച്ചു. കൊല്ലപ്പെട്ടത് പാക് ഭീകരനെന്നാണ് ലഭിക്കുന്ന സൂചന. ഭീകരരുടെ സാന്നിധ്യത്തെ കുറിച്ചുള്ള വിവരത്തിന്റെ അടിസ്ഥാനത്തില്‍ സേന പ്രദേശത്ത് തിരച്ചില്‍ നടത്തുകയായിരുന്നു.
തിരച്ചിലിനിടയിലാണ് സേനയ്ക്ക് നേരെ അപ്രതീക്ഷിതമായി വെടിവെപ്പുണ്ടായത്. തുടര്‍ന്ന് ഇത് ഏറ്റുമുട്ടലിലേക്ക് എത്തുകയുമായിരുന്നു. കൊല്ലപ്പെട്ട ഭീകരനില്‍ നിന്ന് മാരകായുധങ്ങളും പിടിച്ചെടുത്തു. ജമ്മു മേഖല കേന്ദ്രീകരിച്ച് സൈനിക നടപടി പുരോഗമിക്കുകയാണ്. കൂടുതല്‍ ഭീകരര്‍ ഇവിടെയുള്ളതായാണ് സേനയ്ക്ക് ലഭിച്ച വിവരം. പ്രദേശത്തുള്ളവർ ജാഗ്രത പാലിക്കാൻ നിർദേശമുണ്ട്.
TAGS: NATIONAL | ATTACK
SUMMARY: One militant killed in Terrorist attack
