കാലടി: പെരിയാറിൽ കുളിക്കാനിറങ്ങിയ യുവാവ് ഒഴുക്കിൽപ്പെട്ട് മരിച്ചു. വെള്ളാരപ്പിള്ളി സ്വദേശി മേച്ചേരി വീട്ടിൽ ബേബിയുടെ മകൻ ഫെസ്റ്റിൻ (21) ആണ് മരിച്ചത്. ഇന്ന് വൈകിട്ട് 3.30 ഓടെ വെള്ളാരപ്പിള്ളി ആറാട്ട് കടവിലായിരുന്നു അപകടം.
കൂട്ടുകാരായ നാല് പേർ ചേർന്നാണ് കുളിക്കാൻ പുഴയിൽ ഇറങ്ങിയിരുന്നു. ഒഴുക്കിൽപ്പെട്ട മറ്റ് മൂന്നുപേരേയും നാട്ടുകാർ ചേർന്ന് രക്ഷപ്പെടുത്തി. എന്നാൽ ഫെസ്റ്റിനെ രക്ഷപ്പെടുത്താനായില്ല.
ബെംഗളൂരുവില് നഴ്സിംഗ് വിദ്യാർഥിയാണ്. സംസ്കാരം നാളെ വൈകിട്ട് നാലിന് വെള്ളാരപ്പിള്ളി സെൻ്റ് ജോസഫ് പള്ളി സെമിത്തേരിയിൽ നടക്കും. അമ്മ: മിനി. സഹോദരൻ: ഫെബിൻ.
<BR>
TAGS : DROWNED TO DEATH
SUMMARY : A young man drowned while bathing in the river.
