ബെംഗളൂരു: അച്ചടക്കത്തോടെ ജീവിക്കാൻ ആവശ്യപ്പെട്ട വിമുക്ത ഭടനെ ഭാര്യയും മകനും ചേർന്ന് കൊലപ്പെടുത്തി. ബെംഗളൂരുവിലെ വിവേക് നഗറിൽ ഞായറാഴ്ചയാണ് സംഭവം. മഹാരാഷ്ട്ര സ്വദേശി ബോലു അറബ് (47) ആണ് കൊല്ലപ്പെട്ടത്. 2017ൽ ഐണ്യത്തിൽ നിന്ന് വിആർഎസ് എടുത്ത അദ്ദേഹം വിവേക് നഗറിൽ കുടുംബത്തോടൊപ്പം താമസമാക്കിയിരുന്നു. സംഭവത്തിൽ ഭാര്യ തബസ്സും (36), മകൻ സമീർ (19) എന്നിവരെ പോലീസ് അറസ്റ്റ് ചെയ്തു.
ഞായറാഴ്ച പുലർച്ചെ ഒരു മണിയോടെ സമീർ പോലീസ് ഹെൽപ്പ് ലൈനിലേക്ക് വിളിച്ച് ആറ് പേരടങ്ങുന്ന സംഘം വീട്ടിൽ കയറി പിതാവിനെ മാരകമായി ആക്രമിച്ചതായി പരാതിപ്പെട്ടു.
തുടർന്ന് പോലീസ് ഡെപ്യൂട്ടി കമ്മീഷണർ (സെൻട്രൽ) ശേഖർ എച്ച്. ടെക്കണ്ണവർ, വിവേക് നഗർ പോലീസ് ഇൻസ്പെക്ടർ എന്നിവർ സ്ഥലത്തെത്തി പരിശോധന നടത്തി. എന്നാൽ ദുരൂഹത തോന്നിയ പോലീസ് അമ്മയെയും മകനെയും ചോദ്യം ചെയ്തു. ഇതോടെയാണ് കൊലപാതക വിവരം പുറത്തറിയുന്നത്. ചോദ്യം ചെയ്യലിൽ ഇരുവരും കുറ്റം സമ്മതിച്ചു. വീട്ടിൽ അറബിന്റെ കർക്കശ സ്വഭാവം കാരണം കുടുംബം ഏറെക്കാലം അനുഭവിച്ച കഷ്ടപ്പാടുകളാണ് കൊലപാതകത്തിലേക്ക് നയിച്ചതെന്ന് പോലീസ് പറഞ്ഞു. വളരെ അച്ചടക്കമുള്ള ആളായിരുന്നു മരിച്ച അറബ്. കുടുംബവും ഇതുപോലെ ആകണമെന്ന് അറബ് ആഗ്രഹിച്ചിരുന്നതായും പോലീസ് പറഞ്ഞു.
TAGS: BENGALURU | CRIME
SUMMARY: Ex-serviceman killed by wife, son over ‘strict’ rules
കോഴിക്കോട്: താമരശ്ശേരിയില്‍ പനി ബാധിച്ചു മരിച്ച 9 വയസുകാരിക്ക് മരിച്ചത് അമീബിക് മസ്തിഷ്‌ക ജ്വരം സ്ഥിരീകകരിച്ചു. കോഴിക്കോട് മെഡിക്കല്‍ കോളേജിലെ…
ചെന്നൈ: നാഗാലന്‍ഡ് ഗവര്‍ണര്‍ ലാ. ഗണേശന്‍ അന്തരിച്ചു. 80 വയസ്സായിരുന്നു. ആരോഗ്യനില വഷളായതിനെ തുടര്‍ന്ന് ചെന്നൈ അപ്പോളോ ആശുപത്രിയില്‍ ചികിത്സയിലായിരുന്ന…
ബെംഗളൂരു: ചാമരാജനഗർ ബന്ദിപ്പൂർ കടുവാ സങ്കേതത്തിലെ കുണ്ടകരേ റേഞ്ചിലെ ഹെഗ്ഗവാടി റോഡിന് സമീപം രണ്ട് കടുവകൾ തമ്മിലുള്ള ഏറ്റുമുട്ടലില്‍ ഒരു…
ന്യൂഡൽഹി: ഡൽഹിയിലെ ചരിത്ര സ്മാരകങ്ങളിലൊന്നായ ഹുമയൂണിന്റെ ശവകുടീരത്തിന് (ഹുമയൂൺ ടോംബ്) സമീപമുള്ള ദർഗയുടെ മേൽക്കുര തകർന്നു വീണ് അഞ്ച് പേർ…
ബെംഗളൂരു: മയക്കുമരുന്നിന് എതിരെ സാമൂഹിക അവബോധമുണ്ടാക്കുക എന്ന ലക്ഷ്യത്തോടെ ഓൺസ്റ്റേജ് ജാലഹള്ളി റീൽസ് മത്സരം സംഘടിപ്പിക്കുന്നു. ഇന്ത്യയിലെവിടെനിന്നുമുള്ള വ്യക്തികള്‍ക്കും സംഘടനകള്‍ക്കും…
ബെംഗളൂരു: ബെംഗളൂരുവിലെ വില്‍സന്‍ ഗാര്‍ഡന് സമീപം ചിന്നയ്യാൻ പാളയത്ത് ഗ്യാസ് സിലിണ്ടർ പൊട്ടിത്തെറിച്ച് പത്ത് വയസ്സുകാരൻ മരിച്ചു. ഷബ്രിൻ ഭാനു,…