തെൽ അവീവ്/ടെഹ്റാൻ: ഇറാനില് ആക്രമണം തുടങ്ങി ഇസ്രയേല്. ഇറാന്റെ സൈനിക കേന്ദ്രങ്ങള് ലക്ഷ്യമിട്ടാണ് ആക്രമണം നടക്കുന്നത്. ഇറാന് തലസ്ഥാനമായ ടെഹ്റാനില് ഉഗ്രസ്ഫോടനമാണ് ഇസ്രയേല് നടത്തിയത്. ടെഹ്റാന് അന്താരാഷ്ട്ര വിമാനത്താവളത്തിന് സമീപവും സ്ഫോടനമുണ്ടായി. ഇസ്രയേല് ആക്രമണം നടത്തിയതായി ടെഹ്റാനും സ്ഥിരീകരിച്ചിട്ടുണ്ട്. ഇറാന് നിരന്തരം തുടരുന്ന ആക്രമണങ്ങള്ക്ക് തങ്ങള് തിരിച്ചടി നല്കുകയാണെന്ന് ഇസ്രയേല് പ്രതികരിച്ചു. തിരിച്ചടിക്കാന് തങ്ങള്ക്ക് അവകാശമുണ്ടെന്നും ഇറാന്റെ മറുപടി എന്തായാലും അത് നേരിടാന് തങ്ങള് സുസജ്ജമാണെന്നും ഇസ്രയേല് പ്രതിരോധസേന പറഞ്ഞു. അതേസമയം തങ്ങളുടെ ആണവകേന്ദ്രങ്ങള് സുരക്ഷിതമാണെന്ന് ഇറാന് അറിയിച്ചു. ആക്രമണത്തിലുണ്ടായ നാശനഷ്ടങ്ങളെ കുറിച്ചും മറ്റും കൂടുതല് വിവരങ്ങള് പുറത്തുവന്നിട്ടില്ല.
ടെഹ്റാന് അന്താരാഷ്ട്ര വിമാനത്താവളത്തിന് സമീപവും സ്ഫോടനം നടന്നതായാണ് വിവരം. ശനിയാഴ്ച ഇറാനില് വലിയ സ്ഫോടനങ്ങള് കേട്ടതായി പ്രാദേശിക മാധ്യമങ്ങള് റിപ്പോര്ട്ട് ചെയ്തു. ടെഹ്റാനും സമീപ നഗരമായ കരാജിനും ചുറ്റും സ്ഫോടന ശബ്ദം കേട്ടതായി ഇറാന് സ്റ്റേറ്റ് ടിവിയും പറഞ്ഞു. ഡമാസ്കസ് ഗ്രാമപ്രദേശങ്ങളിലും മധ്യമേഖലയിലും സ്ഫോടന ശബ്ദം കേട്ടതായി സിറിയന് സ്റ്റേറ്റ് ടിവി പറഞ്ഞു. പ്രാദേശിക സമയം പുലർച്ചെ 2.15ഓടെയാണ് ഇസ്രയേൽ ആക്രമണമുണ്ടായത്. തെഹ്റാന്റെ വിവിധ ഭാഗങ്ങളിലും അൽബോർസ് പ്രവിശ്യയിലെ കറജ് നഗരത്തിലും സ്ഫോടനം നടന്നതായി ഇറാൻ മാധ്യമങ്ങൾ റിപ്പോർട്ട് ചെയ്തു. തെഹ്റാന്റെ വടക്കു ഭാഗത്തുള്ള സആദത്ത് ആബാദിൽനിന്ന് പുക ഉയരുന്ന ദൃശ്യങ്ങൾ സോഷ്യൽ മീഡിയയിലൂടെ പുറത്തുവന്നിട്ടുണ്ട്.
പശ്ചിമേഷ്യയില് സംഘര്ഷങ്ങള് പരിഹരിക്കുന്നതിനായുള്ള നയതന്ത്ര ചര്ച്ചകള്ക്കായി യു എസ് സ്റ്റേറ്റ് സെക്രട്ടറി ആന്റണി ബ്ലിങ്കെന് മിഡില് ഈസ്റ്റ് സന്ദര്ശനം നടത്തിയതിന് പിന്നാലെയാണ് ഇസ്രയേല് ആക്രമണം നടത്തിയിരിക്കുന്നത്. ഇറാന്റെ സൈനിക കേന്ദ്രങ്ങള് ലക്ഷ്യമിട്ട് ഇസ്രയേല് ആക്രമണം നടത്തിയതായി യു എസ് ദേശീയ സുരക്ഷാ കൗണ്സില് വക്താവ് സീന് സെവാട്ട് സ്ഥിരീകരിച്ചു. സംഭവത്തില് വൈറ്റ് ഹൗസ് മറ്റ് പ്രതികരണങ്ങള് ഒന്നും ഇതുവരെ നടത്തിയിട്ടില്ല. ഹമാസ് മേധാവി ഇസ്മയില് ഹനിയയെ ടെഹ്റാനില് വച്ചും ഹിസ്ബുള്ള തലവന് ഹസന് നസ്രള്ളയെ ലെബനനില് വച്ചും വധിച്ചത് ഉള്പ്പെടെയുള്ള സംഭവങ്ങള്ക്ക് മറുപടിയായാണ് ഇറാന് 181 ബാലിസ്റ്റിക് മിസൈലുകള് ഇസ്രയേലിലേക്ക് തൊടുത്തത്.
<BR>
TAGS : ISRAEL-IRAN CONFLICT
‘SUMMARY : Israel launched heavy airstrikes targeting Iran’s military bases
പത്തനംതിട്ട: ശബരിമല സ്വർണ്ണക്കൊള്ളക്കേസില് റിമാൻഡില് കഴിയുന്ന ബെല്ലാരിയിലെ സ്വർണ്ണ വ്യാപാരി ഗോവർദ്ധൻ നല്കിയ ജാമ്യ ഹർജി ക്രിസ്മസ് അവധിക്ക് ശേഷം…
ആലപ്പുഴ: ആലപ്പുഴയില് പക്ഷിപ്പനി സ്ഥിരീകരിച്ചു. കുട്ടനാട്ടിലെ ഏഴ് പഞ്ചായത്തുകളിലായി ഇരുപതിനായിരത്തിലേറെ താറാവുകള് ചത്തു. പക്ഷിപ്പനി കാരണമാണ് താറാവുകള് ചത്തതാണെന്നാണ് സ്ഥിരീകരണം.…
തിരുവനന്തപുരം: കേരളത്തിൽ സ്വര്ണവില ഒരു ലക്ഷം കടന്നു. സര്വകാല റെക്കോര്ഡിട്ട സ്വര്ണവില ഇന്ന് പവന് 1760 രൂപ വര്ധിച്ചതോടെയാണ് ഒരു…
ഇടുക്കി: മുല്ലപ്പെരിയാർ അണക്കെട്ടിന്റെ ബലക്ഷയം നിർണ്ണയിക്കുന്നതിനായി വെള്ളത്തിനടിയില് റിമോട്ട്ലി ഓപ്പറേറ്റഡ് വെഹിക്കിള് (ആർഒവി) ഉപയോഗിച്ചുള്ള പരിശോധന ഇന്ന് ആരംഭിക്കും. അണക്കെട്ടിന്റെ…
കണ്ണൂർ: പാനൂർ പാറാട് സിപിഎം ബ്രാഞ്ച് കമ്മിറ്റി ഓഫിസിൽ തീയിട്ടു. പൂട്ടിയിട്ട ഓഫിസ് വൈകിട്ട് തുറന്നപ്പോഴാണ് സംഭവം അറിയുന്നത്. ഓഫീസിൽ…
തിരുവനന്തപുരം: സംസ്ഥാന സർക്കാർ ജീവനക്കാരുടെയും പെൻഷൻകാരുടെയും ആരോഗ്യ ഇൻഷുറൻസ് പദ്ധതിയായ 'മെഡിസെപ്പിന്റെ' പ്രീമിയം തുക വർധിപ്പിച്ചു. പ്രതിമാസം 500 രൂപയായിരുന്ന…