ബെംഗളൂരു: ഉത്തരകന്നഡയിലെ അങ്കോളയിലുണ്ടായ മണ്ണിടിച്ചിലിൽ അകപ്പെട്ട മലയാളി യുവാവിനായി തിരച്ചിൽ പുരോഗമിക്കുന്നു. കോഴിക്കോട് സ്വദേശി അർജുനാണ് അപകടത്തിൽപ്പെട്ടത്. മുക്കം സ്വദേശി ജിതിന്റെ ഉടമസ്ഥതയിലുള്ള ലോറിയാണ് അപകടത്തിൽ പെട്ടതെന്നാണ് വിവരം. ലോറിയുമായി പോയ അർജുൻ മണ്ണിനടിയിൽപ്പെടുകയായിരുന്നു. ജിപിഎസ് ട്രാക്കറിൽ ലോറി മണ്ണിനടിയിലുള്ളതായി അറിയാൻ സാധിച്ചെന്നും അർജുൻ വണ്ടിക്കുള്ളിൽ കുടുങ്ങിയതകാമെന്നും കുടുംബം പറഞ്ഞു.
കഴിഞ്ഞ തിങ്കളാഴ്ച മുതലാണ് അർജുനുമായി ബന്ധപ്പടാൻ സാധിക്കാതെ വന്നതെന്ന് കുടുംബം പറഞ്ഞു. തന്നെയും അമ്മയേയും കൃത്യമായി ഫോണിൽ വിളിക്കുമെന്നും എന്നാൽ കുറച്ച് ദിവസമായി ഫോൺ സുച്ച് ഓഫ് ആകുകയും വീട്ടിലുള്ള വരെ ആറെയിം തന്നെ ബന്ധപ്പെടാതിരിക്കുകയും ചെയ്തതോടെയാണ് സംശയം തോന്നിയതെന്നും ഭാര്യ കൃഷ്ണപ്രിയ പറഞ്ഞു. ഇത്രയും ദിവസം ഫോൺ സ്വിച്ച് ഓഫ് ആയിരുന്നെങ്കിലും ഇപ്പോൾ ഫോൺ റിംഗ് ചെയ്തതായും ഭാര്യ പറഞ്ഞു.
അതേസമയം, രക്ഷാപ്രവർത്തനം കാര്യക്ഷമം അല്ലെന്ന് കുടുംബം ആരോപിച്ചു. സംസ്ഥാന സർക്കാരിന്റെ അടിയന്തര ഇടപെടൽ വേണമെന്ന് ഭാര്യയും സഹോദരിയും ആവശ്യപ്പെട്ടു. അർജുൻ ഉപയോഗിച്ച ലോറിയുടെ ഉടമ വീട്ടിലെത്തിയതോടെയാണ് അപകടത്തിൽപ്പെട്ട വിവരം അറിയുന്നത്. ലോറിയിൽ ഘടിപ്പിച്ചിരിക്കുന്ന ജിപിഎസ് വഴി ലോറി മണ്ണിനടിയിൽ അകപ്പെട്ടതായി അറിയാൻ സാധിച്ചു. ഉടൻ കർണാടക പോലീസിനെ വിവരമറിയിക്കുകയായിരുന്നു. ബന്ധുക്കൾ ഇക്കാര്യം അറിയിച്ചതോടെയാണ് അർജുൻ അപകടത്തിൽപ്പെട്ട വിവരം പോലീസ് പോലും അറിയുന്നത്.
വിവരം ലഭിച്ച ഉടൻ തന്നെ കർണാടക ഗതാഗത വകുപ്പ് മന്ത്രി രാമലിംഗ റെഡ്‌ഡിയുമായി ബന്ധപ്പെട്ടതായും എത്രയും വേഗം കണ്ടെത്താനുള്ള ശ്രമങ്ങൾ നടത്തുമെന്നും ഗതാഗതമന്ത്രി കെ. ഗണേഷ് കുമാർ അറിയിച്ചു.
ഉത്തര കർണാടകയിലെ അങ്കോള താലൂക്കിൽ ദേശീയ പാതയിലുണ്ടായ മണ്ണിടിച്ചിലിൽ ഇതുവരെ ഏഴ് പേരാണ് മരിച്ചത്. ഇവരുടെ മൃതദേഹങ്ങൾ വ്യാഴാഴ്ചയോടെയാണ് പുറത്തെടുക്കാൻ സാധിച്ചത്. ദേശീയ പാത 66നു സമീപം നടന്ന അപകടത്തിൽ അഞ്ചംഗ കുടുംബവും മറ്റൊരു ലോറി ഡ്രൈവറും സഹായിയുമാണ് മരിച്ചത്. മണ്ണിടിച്ചിലിനെത്തുടർന്ന് റോഡരികിൽ നിർത്തിയിട്ടിരുന്ന ഒരു എൽപിജി ടാങ്കർ സമീപത്തെ ഗംഗാവലി നദിയിലേക്ക് ഒലിച്ചുപോയി. ഒരു ചായക്കടയും മണ്ണിടിച്ചിലിൽ തകർന്നിരുന്നു. കൂടുതലാളുകൾ മണ്ണിനടിയിൽ പെട്ടതായാണ് സംശയം. രക്ഷാപ്രവർത്തനം പുരോഗമിക്കുകയാണെന്ന് ജില്ലാ ഭരണകൂടം അറിയിച്ചു.
TAGS: KARNATAKA | LANDSLIDE
SUMMARY: Rescue operation on for kerala man in uthara kannada landslide
മലപ്പുറം: എല്‍ഡിഎഫ് ഭരണത്തിന്റെ വിലയിരുത്തലാണ് ഈ തിരഞ്ഞെടുപ്പ് ഫലമെന്ന് കരുതുന്നില്ലെന്ന് എം.സ്വരാജ്. എല്‍ഡിഎഫ് ഉയര്‍ത്തിയ വിഷയങ്ങളില്‍ ജനങ്ങള്‍ക്ക് തെറ്റിദ്ധാരണ ഉണ്ടായിട്ടുണ്ടോ…
അഹമ്മദാബാദ്: അഹമ്മദാബാദ് വിമാന ദുരന്തത്തില്‍ മരിച്ച മലയാളി നേഴ്‌സ് രഞ്ജിതയുടെ മൃതദേഹം തിരിച്ചറിഞ്ഞു. മൃതദേഹം നാളെ നാട്ടിലെത്തിച്ചേക്കും. തിരിച്ചറിയാനായി രഞ്ജിതയുടെ…
മലപ്പുറം: സ്വകാര്യ ഹോട്ടല്‍ മുറിയില്‍ നിന്ന് താഴേക്ക് വീണ് യുവാവ് മരിച്ചു. കോഴിക്കോട് പെരുവണ്ണാമൂഴി സ്വദേശി അജയ് കുമാര്‍ (23)…
മലപ്പുറം: നിലമ്പൂർ ഉപതിരഞ്ഞെടുപ്പില്‍ കോണ്‍ഗ്രസ് സ്ഥാനാർഥി ആര്യാടൻ ഷൗക്കത്ത് 11,000 ത്തിലധികം ഭൂരിപക്ഷം നേടിയാണ് വിജയക്കൊടി പാറിച്ചത്. യുഡിഎഫിന്റെ വിജയ…
തിരുവനന്തപുരം: മുൻ മുഖ്യമന്ത്രിയും മുതിര്‍ന്ന സിപിഎം നേതാവുമായ വിഎസ് അച്യുതാനന്ദനെ ആശുപത്രിയില്‍ പ്രവേശിപ്പിച്ചു. ഹൃദയാഘാതത്തെ തുടർന്ന് ഇന്ന് രാവിലെയാണ് ആശുപത്രിയിലെത്തിച്ചത്.…
നിലമ്പൂര്‍: നിലമ്പൂര്‍ ഉപതിരഞ്ഞെടുപ്പില യു.ഡി.എഫ് സ്ഥാനാർഥി ആര്യാടൻ ഷൗക്കത്തിന് വിജയം. 10,792 വോട്ടിന്‍റെ ഭൂരിപക്ഷത്തിലാണ് ആര്യാടൻ ഷൗക്കത്ത് എൽ.ഡി.എഫ് സ്ഥാനാർഥി…