എംപി സുമലത അംബരീഷ് നാളെ ബിജെപിയിൽ ചേരും

ബെംഗളൂരു: മാണ്ഡ്യ എംപി സുമലത അംബരീഷ് നാളെ ബിജെപിയിൽ ചേരും. 2019ലെ തിരഞ്ഞെടുപ്പിൽ സ്വതന്ത്രയായി വിജയിച്ച സുമലത ഇത്തവണത്തെ തിരഞ്ഞെടുപ്പിൽ മത്സരിക്കില്ലെന്ന് കഴിഞ്ഞ ദിവസം പ്രഖ്യാപിച്ചിരുന്നു. സംസ്ഥാന ജെഡിഎസ് അധ്യക്ഷൻ എച്ച്. ഡി. കുമാരസ്വാമിയാണ് ഇത്തവണ മാണ്ഡ്യയിൽ നിന്ന് എൻഡിഎ ടിക്കറ്റിൽ മത്സരിക്കുന്നത്.

2047-ഓടെ വികസിത ഇന്ത്യ വിഭാവനം ചെയ്യുന്ന ഒരു പാർട്ടിയുടെ പിന്തുണയുള്ളയാളായി ജനങ്ങൾ തന്നെ കാണുമെന്ന് ബിജെപിയിൽ ചേരുന്നതിൻ്റെ സൂചന നൽകികൊണ്ട് കഴിഞ്ഞ ദിവസം സുമലത അറിയിച്ചിരുന്നു. 2019 ലെ തിരഞ്ഞെടുപ്പിൽ സുമലതയെ പരോക്ഷമായി പിന്തുണച്ചുകൊണ്ട് മാണ്ഡ്യയിൽ ബിജെപി സ്ഥാനാർഥിയെ നിർത്തിയിരുന്നില്ല.

മാത്രമല്ല 2023 ലെ നിയമസഭാ തിരഞ്ഞെടുപ്പിൽ സുമലത ബിജെപിയെ പിന്തുണച്ചിരുന്നു. സുമലത ബിജെപിയിൽ ചേരുകയും തിരഞ്ഞെടുപ്പിൽ നിന്ന് പിന്മാറുകയും ചെയ്യുന്നതോടെ കോൺഗ്രസും ജെഡിഎസും തമ്മിൽ നേരിട്ടുള്ള മത്സരത്തിനാണ് മാണ്ഡ്യ സാക്ഷ്യം വഹിക്കുന്നത്.

The post എംപി സുമലത അംബരീഷ് നാളെ ബിജെപിയിൽ ചേരും appeared first on News Bengaluru.