‘എന്നേക്കാള്‍ അര്‍ഹതയുള്ളവര്‍ ഉണ്ട്’; കര്‍ണാടക നാടക അക്കാദമിയുടെ പുരസ്‌കാരം നിരസിച്ച്‌ പ്രകാശ് രാജ്

ബെംഗളൂരു: കർണാടക നാടക അക്കാദമിയുടെ വാർഷിക അവാർഡ് നിരസിച്ച്‌ നടനും നാടക പ്രവർത്തകനുമായ പ്രകാശ് രാജ്. നാടക ലോകത്ത് തന്നേക്കാള്‍ അർഹതയുള്ളവർ ഉള്ളതിനാല്‍ അവാർഡ് സ്വീകരിക്കാൻ മനസ്സാക്ഷി അനുവദിക്കുന്നിലെന്ന് പ്രകാശ് രാജ് പറഞ്ഞു.

‘താൻ ഈ അടുത്താണ് നാടകത്തിലേക്ക് മടങ്ങിയെത്തിയത്, പൂർത്തിയാക്കാൻ ധാരാളം ജോലികളുണ്ട്. നാടകലോകത്ത് എന്നെക്കാള്‍ അർഹതയുള്ളവർ ഉള്ളതിനാല്‍, ഈ അവാർഡ് സ്വീകരിക്കാൻ എൻ്റെ മനസ്സാക്ഷി സമ്മതിക്കുന്നില്ല… ക്ഷമിക്കണം. ആശംസിച്ച എല്ലാവർക്കും നന്ദി’, എന്നാണ് പ്രകാശ് രാജ് എക്‌സില്‍ കുറിച്ചിരിക്കുന്നത്.

പ്രകാശ് രാജിൻ്റെ തീരുമാനത്തെ അക്കാദമി ചെയർപേഴ്സണ്‍ കെ വി നാഗരാജമൂർത്തി അംഗീകരിച്ചു. കന്നഡ നാടകരംഗത്ത് സംഭാവനകള്‍ നല്‍കിയ നാടകപ്രതിഭകള്‍ക്കുള്ള വാർഷിക, ലൈഫ് ടൈം അച്ചീവ്‌മെൻ്റ് അവാർഡുകള്‍ വ്യാഴാഴ്ചയാണ് അക്കാദമി പ്രഖ്യാപിച്ചത്.

TAGS : PRAKASH RAJ | KARNATAKA | NATAKA AKEDEMI AWARD
SUMMARY : Prakash Raj rejects Karnataka Nataka Akademi’s annual award