ബെംഗളൂരു: പൊങ്കൽ യാത്രാ തിരക്ക് കണക്കിലെടുത്ത് എറണാകുളത്ത് നിന്ന് ബെംഗളൂരുവിലേക്കുള്ള സ്പെഷ്യൽ ട്രെയിൻ ഇന്ന് പുറപ്പെടും. എറണാകുളം ജംഗ്ഷണിൽ നിന്ന് യശ്വന്ത്പുരത്തേക്കാണ് ട്രെയിൻ സർവീസ്. രാവിലെ 9.35ന് പുറപ്പെടുന്ന ട്രെയിൻ രാത്രി പത്ത് മണിയോടെ യശ്വന്തപുരത്ത് എത്തിച്ചേരും. 10 സ്റ്റോപ്പുകളുള്ള സ്പെഷ്യൽ ട്രെയിനിന് കേരളത്തിൽ ആലുവ, തൃശൂർ, പാലക്കാട് എന്നിവിടങ്ങളിൽ മാത്രമാണ് സ്റ്റോപ്പുള്ളത്.
എറണാകുളത്ത് നിന്ന് പുറപ്പെട്ടാൽ ആലുവ 10.03, തൃശൂർ 10.58, പാലക്കാട് 12.30, പൊതനൂർ 01.40, തിരുപ്പൂർ 02.38, ഈറോഡ് 03.28, സേലം 04.30, ബംഗാർപേർട്ട് 07.23, കൃഷ്ണരാജപുരം 08.08, എസ്എംവിടി ബെംഗളൂരു 08.20 സ്റ്റേഷനുകൾ പിന്നിട്ട് രാത്രി 10ന് യശ്വന്ത്പുരിലെത്തും.
എറണാകുളം ജംഗ്ഷനിൽ നിന്ന് പുറപ്പെടുന്ന ട്രെയിനിന് ബെംഗളൂരുവിലേക്ക് സ്ലീപ്പർ ക്ലാസിന് 450 രൂപയും 3 എ ക്ലാസിന് 1120 രൂപയും, 2 എ ക്ലാസിന് 1740 രൂപയും, 1 എ ക്ലാസിന് 2675 രൂപയുമാണ് ടിക്കറ്റ് നിരക്ക്. തൃശൂരിൽ നിന്നാണ് ബെംഗളൂരുവിലേക്ക് യഥാക്രമം 415 , 1140, 1605, 2495 എന്നിങ്ങനെയാണ് നിരക്കുകൾ. എറണാകുളത്ത് നിന്ന് യശ്വന്ത്പുരത്തേക്ക് യഥാക്രമം ക്ലാസുകൾക്ക് 460, 1250, 1780, 2730 എന്നിങ്ങനെയാണ് നിരക്ക്.
TAGS: BENGALURU | KERALA | SPECIAL TRAIN
SUMMARY: Special train from ekm to BLr to start service today
