ഇന്ത്യന് പ്രീമിയർ ലീഗില് (ഐപിഎല്) തുടർച്ചയായ മൂന്നാം ജയവുമായി കൊല്ക്കത്ത നൈറ്റ് റൈഡേഴ്സ്. 273 റണ്സെന്ന വിജയലക്ഷ്യം പിന്തുടർന്ന ഡല്ഹിയുടെ പോരാട്ടം 166 റണ്സില് അവസാനിച്ചു. അർധ സെഞ്ചുറികള് നേടിയ ക്യാപ്റ്റൻ റിഷഭ് പന്ത് (55), ട്രിസ്റ്റന് സ്റ്റബ്സ് (54) എന്നിവർ മാത്രമാണ് ഡല്ഹിക്കായി അല്പ്പമെങ്കിലും പോരാടിയത്. കൊല്ക്കത്തയ്ക്കായി വരുണ് ചക്രവർത്തി, വൈഭവ് അറോറ എന്നിവർ മൂന്നും മിച്ചല് സ്റ്റാർക്ക് രണ്ട് വിക്കറ്റും വീഴ്ത്തി.
273 എന്ന കൂറ്റന് വിജയലക്ഷ്യം പിന്തുടർന്ന ഡല്ഹിക്ക് പവർപ്ലേയ്ക്കുള്ളില് തന്നെ നാല് മുന്നിര ബാറ്റർമാരെ നഷ്ടമായി. ഡേവിഡ് വാർണർ (19), പൃഥ്വി ഷാ (10), മിച്ചല് മാർഷ് (0), അഭിഷേക് പോറല് (0) എന്നിവരാണ് അതിവേഗം മടങ്ങിയത്. വാർണറിനേയും മാർഷിനേയും സ്റ്റാർക്കും ഷായേയും പോറലിനേയും വൈഭവ് അറോറയുമാണ് പുറത്താക്കിയത്. എന്നാല് നായകന് റിഷഭ് പന്തും ട്രിസ്റ്റന് സ്റ്റബ്സും ചേർന്ന് വന് തകർച്ചയില് നിന്ന് ഡല്ഹിയെ കരകയറ്റി.
വെങ്കിടേഷ് അയ്യർ എറിഞ്ഞ 12-ാംഓവറില് നാല് ഫോറും രണ്ട് സിക്സും പറത്തി പന്ത് ട്രാക്കിലേക്ക് എത്തി. 23 പന്തില് അർധ സെഞ്ചുറി തികയ്ക്കാനും പന്തിനായി. തുടർച്ചയായ രണ്ടാം മത്സരത്തിലാണ് താരത്തിന്റെ നേട്ടം. എന്നാല് അധികം വൈകാതെ പന്തിനെ വരുണ് ചക്രവർത്തി പുറത്താക്കി. 25 പന്തില് നാല് ഫോറും അഞ്ച് സിക്സും ഉള്പ്പെടെ 55 റണ്സായിരുന്നു ഡല്ഹി ക്യാപ്റ്റന്റെ സാമ്പാദ്യം.
സണ്റൈസേഴ്സ് ഹൈദരാബാദിന്റെയും മുംബൈ ഇന്ത്യന്സിന്റേയും ബാറ്റിങ് വെടിക്കെട്ടിന്റെ തുടർച്ച വിശാഖപട്ടണത്ത് കാഴ്ചവെക്കുകയായിരുന്നു കൊല്ക്കത്ത നൈറ്റ് റൈഡേഴ്സ്. സുനില് നരെയ്ന് (39 പന്തില് 85), അംഗൃഷ് രഘുവംശി (27 പന്തില് 54), ആന്ദ്രെ റസല് (19 പന്തില് 41), റിങ്കു സിങ് (എട്ട് പന്തില് 26) എന്നിവരുടെ ബാറ്റിങ് മികവില് ഡല്ഹി ക്യാപിറ്റല്സിനെതിരെ നിശ്ചിത 20 ഓവറില് കൊല്ക്കത്ത അടിച്ചുകൂട്ടിയത് 272 റണ്ആയിരുന്നു . ഐപിഎല് ചരിത്രത്തിലെ ഏറ്റവും ഉയർന്ന രണ്ടാമത്തെ സ്കോറെന്ന റെക്കോർഡ് സ്വന്തം പേരില് കുറിക്കാന് കൊല്ക്കത്തയ്ക്കായി.
നരെയ്നായിരുന്നു കൊല്ക്കത്തയുടെ വെടിക്കെട്ടിന് തിരികൊളുത്തിയത്. ബാറ്റിങ്ങില് പവർപ്ലെ ആനുകൂല്യം മാത്രം മുതലെടുക്കാന് കഴിയുന്ന താരമെന്ന വിമർശനം നരെയ്ന് തിരുത്തി. ഡല്ഹിക്കായി ആന്റിച്ച് നോർക്കെ മൂന്നും ഇഷാന്ത് ശർമ രണ്ടും വിക്കറ്റ് നേടി. ഖലീല് അഹമ്മദിനും മിച്ചല് മാർഷിനും ഓരോ വിക്കറ്റും ലഭിച്ചു.
The post ഐപിഎൽ 2024; കൊൽക്കത്തയ്ക്ക് തുടർച്ചയായ മൂന്നാം വിജയം appeared first on News Bengaluru.
Powered by WPeMatico
ന്യൂഡല്ഹി: ഇന്ത്യന് ആകാശത്ത് മത്സരത്തിന് വഴിയൊരുക്കി മൂന്ന് പുതിയ വിമാനക്കമ്പനികള് കൂടി എത്തുന്നു. കൂടുതൽ ഓപ്പറേറ്റർമാർക്ക് അവസരം നൽകാനും യാത്ര…
ബെംഗളൂരു: കേരളത്തിലേക്ക് പുറപ്പെട്ട കർണാടക ആർടിസി ബസ് തമിഴ്നാട്ടില് അപകടത്തില്പ്പെട്ട് ഡ്രൈവർ മരിച്ചു. 18 യാത്രക്കാർക്ക് പരുക്കേറ്റു. ചരക്ക് ലോറിക്ക്…
കണ്ണൂർ: കെഎപി നാലാം ബറ്റാലിയൻ കമണ്ടാന്റും കേരളാ ഫുട്ബോളിന്റെ സൂപ്പർ താരവുമായിരുന്ന എ ശ്രീനിവാസൻ (53) അന്തരിച്ചു. വൃക്ക സംബന്ധമായ…
ബെംഗളൂരു: ബെല്ലാരി തെക്കലക്കോട്ടയ്ക്ക് സമീപം കാർ മറിഞ്ഞുണ്ടായ അപകടത്തിൽ മൂന്ന് പേർ മരിച്ചു. സിരുഗപ്പ സ്വദേശികളായ പ്രസാദ് റാവു (75),…
ബെംഗളൂരു: ബെംഗളൂരു നമ്മ മെട്രോ റെയില് ശൃംഖല 2027 ഡിസംബറോടെ 175 കിലോമീറ്ററായി വികസിപ്പിക്കുമെന്ന് കർണാടക ഉപമുഖ്യമന്ത്രി ഡി കെ…
തിരുവനന്തപുരം: കേരളത്തിലെ ജനങ്ങള്ക്ക് നേറ്റിവിറ്റി കാര്ഡ് നല്കുമെന്ന് മുഖ്യമന്ത്രി പിണറായി വിജയൻ. നിലവില് വില്ലേജ് ഓഫീസർ നല്കിവരുന്ന നേറ്റിവിറ്റി സർട്ടിഫിക്കറ്റിനു…