ഐപിഎല്ലിന്റെ 17–ാം സീസണിൽ ശുഭ്മാൻ ഗില്ലിന്റെ ഗുജറാത്തിനെ തകർത്ത് പഞ്ചാബ് കിങ്‌സ്. അവസാന ഓവറുകളിൽ ശശാങ്ക് സിങ്ങും അശുതോഷ് ശർമയും കത്തിപ്പടർന്നതോടെ ആവശേ മത്സരത്തിൽ ജയം പഞ്ചാബ് കിങ്സിനൊപ്പമാക്കുകയായിരുന്നു. ഒരു ഘട്ടത്തിൽ ഗുജറാത്ത് ടൈറ്റൻസിന്റെ കൈകളിലേക്കെന്ന് തോന്നിച്ച ജയം അവസാന ഓവറുകളിൽ പഞ്ചാബ് കിങ്സിലേക്ക് വഴിമാറി. ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഗുജറാത്ത് 200 റൺസാണ് പഞ്ചാബിന് മുന്നിൽവെച്ചിരുന്നത്.
ഒരു പന്ത് മാത്രം ബാക്കിനിൽക്കേ പഞ്ചാബ് ലക്ഷ്യം കടന്നു. സ്കോർ: ഗുജറാത്ത്- 199/5 (20 ഓവർ). പഞ്ചാബ്: 200/7 (19.5 ഓവർ). 29 പന്തിൽ 61 റൺസെടുത്ത ശശാങ്ക് ശർമയാണ് പഞ്ചാബിന്റെ സൂപ്പർ ഹീറോ. നാല് സിക്സും അഞ്ച് ഫോറും ചേർന്നതാണ് ശശാങ്കിന്റെ ഇന്നിങ്സ്. ഏഴാം വിക്കറ്റിൽ ഇംപാക്ട് പ്ലെയറായെത്തിയ അശുതോഷ് ശർമ അക്ഷരാർഥത്തിൽതന്നെ കളിയെ സ്വാധീനിച്ചു. 17പന്തിൽ നിന്ന് 31 റൺസുമായി അശുതോഷ് മടങ്ങിയത് പത്തൊൻപതാം ഓവറിന്റെ ആദ്യ പന്തിൽ. അപ്പോഴേക്കും പഞ്ചാബ് ജയം ഏതാണ്ട് ഉറപ്പിച്ചുകഴിഞ്ഞിരുന്നു.
ഒരു സിക്സും മൂന്ന് ഫോറും സഹിതമാണ് അശുതോഷിന്റെ ഇന്നിങ്സ്. ഗുജറാത്തിനുവേണ്ടി ശുഭ്മാൻ ഗിൽ 89 റൺസ് നേടിയെങ്കിലും അന്തിമഫലത്തിൽ ഗുജറാത്തിനെ തുണച്ചില്ല. ഗുജറാത്ത് ഉയർത്തിയ 200 റൺസ് ലക്ഷ്യത്തിലേക്ക് ബാറ്റേന്തിയ പഞ്ചാബിന് രണ്ടാം ഓവറിൽത്തന്നെ ക്യാപ്റ്റൻ ശിഖർ ധവാനെ നഷ്ടമായി (1). ഉമേഷ് യാദവിന് വിക്കറ്റ്. ടീം സ്കോർ 48-ൽ നിൽക്കേ, ജോണി ബെയർസ്റ്റോ നൂർ അഹ്മദിന്റെ പന്തിൽ പുറത്തായി. 24 പന്തുകൾ നേരിട്ട് 35 റൺസ് നേടിയ പ്രഭ്സിമ്രാനെ മോഹിത് ശർമയുടെ കൈകളിലെത്തിച്ചും നൂർ അഹ്മദ് ഗുജറാത്തിന് പ്രതീക്ഷയേകി.
നാല് ഫോറും ആറ് സിക്സും ചേർന്നതാണ് ശുഭ്മാന്റെ ഇന്നിങ്സ്. പഞ്ചാബിനായി കഗിസോ റബാദ രണ്ട് വിക്കറ്റുകൾ നേടി. ഹർഷൽ പട്ടേലും ഹർപ്രീത് ബ്രാറും ഓരോ വിക്കറ്റും നേടി. ഗുജറാത്തിനുവേണ്ടി നൂർ അഹ്മദ് രണ്ട് വിക്കറ്റുകൾ നേടി. അസ്മത്തുള്ള ഒമർസായ്, ഉമേഷ് യാദവ്, റാഷിദ് ഖാൻ, മോഹിത് ശർമ, ദർശൻ നാൽക്കണ്ഡെ എന്നിവർ ഓരോന്നുവീതം വിക്കറ്റ് വീഴ്ത്തി.
The post ഐപിഎൽ 2024; ഗില്ലിന്റെ ഗുജറാത്തിനെ തകർത്ത് പഞ്ചാബ് കിങ്‌സ് appeared first on News Bengaluru.
Powered by WPeMatico
തിരുവനന്തപുരം: കേരളത്തിൽ ഇന്ന് സ്വർണവിലയില്‍ നേരിയ ഇടിവ്. ഒരു പവൻ സ്വർണത്തിന് 40 രൂപയാണ് ഇന്ന് കുറഞ്ഞത്. ഇതോടെ സ്വർണവില…
മലപ്പുറം: രാഷ്ട്രീയ കേരളം ആകാംക്ഷയോടെ കാത്തുനില്‍ക്കുന്ന നിലമ്പൂർ ഉപതിരഞ്ഞെടുപ്പ് ഫലം അന്തിമ ഘട്ടത്തിലേക്ക്. വോട്ടെണ്ണല്‍ പതിനാറാം റൗണ്ട് പൂർത്തിയാകുമ്പോൾ യുഡിഎഫ്…
കൊല്ലം: കൊല്ലത്ത് ജപ്തി നടപടി ഒഴിവാക്കാമെന്ന് പറഞ്ഞ് ജ്വല്ലറി ഉടമയില്‍ നിന്ന് രണ്ടരക്കോടി രൂപ തട്ടിയ കേസില്‍ പ്രതിയായ അസിസ്റ്റന്റ്…
മലപ്പുറം: നിലമ്പൂര്‍ ഉപതിരഞ്ഞെടുപ്പിന്റെ വോട്ടെണ്ണല്‍ പുരോഗമിക്കുന്നു. എട്ട് റൗണ്ട് വോട്ടെണ്ണല്‍ പൂര്‍ത്തിയാക്കിയപ്പോള്‍ ആര്യാടന്‍ ഷൗക്കത്ത് ലീഡ് 6000 കടന്നു. 6585…
നിലമ്പൂര്‍: നിലമ്പൂർ ഉപതിരഞ്ഞെടുപ്പിന്റെ വോട്ടെണ്ണൽ പുരോഗമിക്കുന്നു. യു.ഡി.എഫ് സ്ഥാനാർഥി ആര്യാടൻ ഷൗക്കത്ത് 5036 വോട്ടിന് മുന്നിട്ടുനിൽക്കുകയാണ് ഷൗക്കത്ത് 28344, സ്വരാജ്…
തെലുങ്ക് നടൻ വിജയ് ദേവരകൊണ്ടയ്ക്കെതിരെ കേസ്. ആദിവാസി വിഭാഗത്തെ അധിക്ഷേപിക്കുന്ന പരാമർശം നടത്തിയതിനാണ് നടനെതിരെ കേസെടുത്തിരിക്കുന്നത്. പട്ടികജാതി/പട്ടികവര്‍ഗങ്ങള്‍ക്കെതിരായ അതിക്രമങ്ങള്‍ തടയാനുള്ള…