കാളവണ്ടിയുമായി ബൈക്ക് കൂട്ടിയിടിച്ച് അപകടം; മൂന്ന് പേർ മരിച്ചു

ബെംഗളൂരു: കാളവണ്ടിയുമായി ബൈക്ക് കൂട്ടിയിടിച്ചുണ്ടായ അപകടത്തിൽ മൂന്ന് പേർ മരിച്ചു. ഹാവേരി റാണെബെന്നൂർ താലൂക്കിലെ ഗുഡഗുർ ക്രോസിന് സമീപം ചൊവ്വാഴ്ചയാണ് അപകടമുണ്ടായത്. ശശികുമാർ ഉപ്പാർ (25), ആകാശ് ബിരാദാർ (23), ദർശൻ (23) എന്നിവരാണ് മരിച്ചത്. ഇവർ സഞ്ചരിച്ച ബൈക്കിലേക്ക് കാളവണ്ടി ഇടിക്കുകയായിരുന്നു.

ഹനുമാനമട്ടിയിൽ നിന്ന് മൈലാര മേളയിലേക്ക് മൂവരും ബൈക്കിൽ പോകുമ്പോഴാണ് അപകടമുണ്ടായത്. ദർശനും ആകാശും മൂന്നാം വർഷ ബിഎസ്‌സി വിദ്യാർഥികളായിരുന്നു, ശശികുമാർ ഹനുമാനമട്ടിയിലെ ഹോട്ടൽ ജീവനക്കാരനാണ്. അപകടത്തിൽ ബൈക്ക് പൂർണമായും തകർന്നു. സംഭവത്തിൽ റാണെബെന്നൂർ റൂറൽ പോലീസ് കേസെടുത്തു.

TAGS: BIKE ACCIDENT
SUMMARY: Three youth dies as bike collides with bullock cart