ട്രക്കുകൾ കൂട്ടിയിടിച്ച് അപകടം; ഒരു മരണം

ബെംഗളൂരു: ട്രക്കുകൾ കൂട്ടിയിടിച്ചുണ്ടായ അപകടത്തിൽ ഒരാൾ മരിച്ചു. ഞായറാഴ്ച പുലർച്ചെ നൈസ് റോഡിലാണ് അപകടമുണ്ടായത്. തമിഴ്‌നാട്ടിലെ ഈറോഡ് സ്വദേശിയായ മുരുകൻ ആണ് മരിച്ചത്. മുരുകൻ കിടന്ന് ഉറങ്ങുകയായിരുന്ന ട്രക്കിലേക്ക് എതിർദിശയിൽ നിന്നും നിയന്ത്രണം വിട്ട് വന്ന ട്രക്ക് ഇടിച്ചാണ് അപകടമുണ്ടായത്.

ഈ സമയം ട്രക്കിന്റെ ഡ്രൈവർ പുറത്തിറങ്ങിയതിനാൽ ജീവൻ രക്ഷപ്പെട്ടു. ഇടിയുടെ ആഘാതത്തിൽ മുരുകൻ കിടന്നിരുന്ന ട്രക്ക് നൈസ് റോഡിലെ സുരക്ഷാ മതിലിൽ ഇടിച്ചു. ഇയാളെ സമീപത്തുള്ള ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അപകടത്തിന് കാരണക്കാരനായ ട്രക്കിന്റെ ഡ്രൈവർ വാഹനം ഉപേക്ഷിച്ച് കടന്നുകളഞ്ഞു. സംഭവത്തിൽ ഹുളിമാവ് ട്രാഫിക് പോലീസ് കേസെടുത്തു.

TAGS: BENGALURU | ACCIDENT
SUMMARY: One dies as one canter truck hits other