ബെംഗളൂരു: അഖിലേന്ത്യാ മുസ്‌ലിം വ്യക്തിനിയമ ബോർഡ് മുൻ വൈസ് പ്രസിഡന്റും കലബുറഗിയിലെ ഖ്വാജ ബംദെ നവാസ് സർവകലാശാലയുടെ ചാൻസലറുമായ ഡോ. സയ്യിദ് ഷാ ഖുസ്രൊ ഹുസ്സൈനി (79) അന്തരിച്ചു. കലബുറഗിയിലെ സൂഫി ആധ്യാത്മികകേന്ദ്രമായ ഹസ്രത്ത് ഖ്വാജ ബംദെ നവാസ് ദർഗയുടെ ആധ്യാത്മികതലവന്‍ (സജ്ജദ നഷീൻ) കൂടിയാണ് ഡോ. സയ്യിദ് ഷാ ഖുസ്രൊ ഹുസ്സൈനി. സൂഫിസവുമായി ബന്ധപ്പെട്ട് രാജ്യത്തിന്റെ വിവിധയിടങ്ങളിൽ സമ്മേളനങ്ങൾ സംഘടിപ്പിച്ചിട്ടുണ്ട്.
പരേതനായ സജ്ജാദ നഷീൻ ഹസ്രത്ത് സയ്യിദ് മുഹമ്മദ് മുഹമ്മദുൽ ഹുസൈനിയുടെ മകനാണ്. 2007 ഏപ്രിലിൽ പിതാവിന്‍റെ മരണശേഷമാണ് സയ്യിദ് ഷാ ഖുസ്രൊ ഹുസ്സൈനി ദർഗയുടെ നേതൃത്വമേറ്റെടുത്തത്.
കാനഡയിലെ മക്ഗിൽ സർവകലാശാലയിൽനിന്ന് ഇസ്‌ലാമിക് സ്റ്റഡീസിൽ എം.എ. ബിരുദമെടുത്തു. യു.എസിലെ ബെൽഫഡ് സർവകലാശാലയിൽനിന്ന് പിഎച്ച്.ഡി.യും കരസ്ഥമാക്കി.2000-ത്തിൽ കലബുറഗിയിൽ ഖ്വാജ എജുക്കേഷൻ സൊസൈറ്റിയുടെ കീഴിൽ ഖ്വാജ ബംദെ നവാസ് ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് സ്ഥാപിച്ചു. 2018-ലാണ് ഖ്വാജ ബംദെ നവാസ് സർവകലാശാല സ്ഥാപിച്ചത്. വിദ്യാഭ്യാസരംഗത്തെ പ്രവർത്തനങ്ങൾക്ക് 2017-ൽ കർണാടക സർക്കാര്‍ രാജ്യോത്സവ പുരസ്കാരം നല്‍കി ആദരിച്ചിട്ടുണ്ട്.
അദ്ദേഹത്തിന്റെ ജനാസ നമസ്കാരം വ്യാഴാഴ്ച വൈകീട്ട് ഹസ്രത്ത് ഖ്വാജ ബംദെ നവാസ് ദർഗയിൽ നടന്നു. ഡോ. സയ്യിദ് ഷാ ഖുസ്രൊ ഹുസ്സൈനിയുടെ നിര്യാണത്തിൽ ഉപമുഖ്യമന്ത്രി ഡി.കെ. ശിവകുമാർ അടക്കമുള്ളവര്‍ അനുശോചിച്ചു.
<BR>
TAGS :
SUMMARY : Dr. Syed Shah Khusro Hussaini passed away
കറാച്ചി: പഹല്‍ഗാമിലെ പാക് ഭീകരാക്രമണത്തെ തുടര്‍ന്ന് ഇന്ത്യ സിന്ധു നദീജല കരാര്‍ റദ്ദാക്കിയതില്‍ പ്രതിഷേധിച്ച് ഇന്ത്യക്കുള്ള വ്യോമപാത അടച്ച നടപടിയില്‍…
ബെംഗളൂരു: ബെംഗളൂരുവിൽ വാഹനാപകടത്തിൽ നവവധുവിന് ദാരുണാദ്യം. ചെന്നപ്പട്ടണ സ്വദേശിനിയും മല്ലേശ്വരത്ത് താമസക്കാരിയുമായ എസ് ഗീത (23) ആണ് മരിച്ചത്. ഗീതയുടെ…
പാലക്കാട്: ആലത്തൂരിൽ ,മാല മോഷണത്തിന് സർക്കാർ ഉദ്യോഗസ്ഥൻ പിടിയിൽ. എയ്ഡഡ് സ്കൂളിലെ ഓഫീസ് അസിസ്റ്റന്റ് സമ്പത്ത് ആണ് പിടിയിലായത്. തൊഴിലുറപ്പ്…
ന്യൂഡല്‍ഹി: തിരഞ്ഞെടുപ്പ് അട്ടിമറി ആരോപണത്തില്‍ രാഹുല്‍ ഗാന്ധിക്ക് തിരഞ്ഞെടുപ്പ് കമ്മീഷന്‍ നോട്ടീസ് അയച്ചു. കര്‍ണാടക മുഖ്യ തിരഞ്ഞെടുപ്പ് കമ്മീഷണറാണ് നോട്ടീസ്…
ബെംഗളൂരു: ബെംഗളൂരുവിൽ വന്ദേഭാരത് ട്രെയിനുകൾ ഫ്ലാഗ് ഓഫ് ചെയ്ത് പ്രധാനമന്ത്രി നരേന്ദ്രമോദി. മൂന്ന് പുതിയ വന്ദേ ഭാരത് ട്രെയിനുകളാണ് പ്രധാനമന്ത്രി…
തിരുവനന്തപുരം: നിർമാതാക്കളുടെ സംഘടനയിലേക്ക് നടക്കുന്ന തിരഞ്ഞെടുപ്പില്‍ പ്രസിഡന്റ് സ്ഥാനത്തേക്ക് സാന്ദ്ര തോമസ് നല്‍കിയ നാമനിർദേശ പത്രിക തള്ളിയതുമായി ബന്ധപ്പെട്ട് വലിയ…