പുള്ളിപ്പുലിയുടെ ആക്രമണത്തില്‍ കര്‍ഷകന് ദാരുണാന്ത്യം

ലക്നോ: ഉത്തർപ്രദേശില്‍ പുള്ളിപ്പുലിയുടെ ആക്രമണത്തില്‍ കർഷകൻ മരിച്ചതായി വിവരങ്ങള്‍. ബദയ്യ ഗ്രാമത്തിലാണ് സംഭവം നടന്നത്. ഷാപുർ ഗ്രാമത്തിലെ പ്രഭു ദയാല്‍ എന്ന 50 വയസുകാരനാണ് മരിച്ചത്. മുഹമ്മദി റേഞ്ചിലാണ് ബദയ്യ ഗ്രാമം ഉള്‍പ്പെടുന്ന പ്രദേശം ഉള്ളത്. ഗ്രാമത്തിലെ കരിമ്പിൻ തോട്ടത്തില്‍ വച്ചാണ് പ്രഭുവിനെ പുലി അക്രമണത്തിനിരയാക്കിയത്.

പ്രദേശത്ത് അല്ലെങ്കിലും വന്യജീവികളുടെ ശല്യം രൂക്ഷമാണെന്ന് നാട്ടുകാരും പറയുന്നു. പുലിയെ പിടികൂടാൻ എല്ലാ സജ്ജീകരണങ്ങളും ഒരുക്കിയതായി വനം വകുപ്പ് ഉദ്യോഗസ്ഥർ അറിയിച്ചിട്ടുണ്ട്. വനം വകുപ്പ് ഉദ്യോഗസ്ഥർ നാട്ടുകാർക്ക് ഇതിനോടകം ജാഗ്രത നിർദ്ദേശം നല്‍കിയിട്ടുണ്ട്.

TAGS : LEOPARD | UTHERPRADHESH
SUMMARY : Farmer dies in leopard attack