പ്രസവ ശസ്ത്രക്രിയയ്‌ക്കിടെ യുവതിയുടെ വയറ്റില്‍ കത്രിക തുടങ്ങിയ സംഭവം; കേസ് ജൂണ്‍ 11ലേക്ക് മാറ്റി കോടതി

കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രസവ ശസ്ത്രക്രിയക്കിടെ യുവതിയുടെ വയറ്റില്‍ കത്രിക കുടുങ്ങിയ സംഭവവുമായി ബന്ധപ്പെട്ട കേസ് കോടതി ജൂണ്‍ 11ലേക്ക് മാറ്റിവെച്ചു. പ്രസവ ശസ്ത്രക്രിയയ്‌ക്കിടെ പന്തീരാങ്കാവ് സ്വദേശിയായ കെ കെ ഹർഷിനയുടെ വയറ്റില്‍ കത്രിക കുടുങ്ങിയ സംഭവവുമായി ബന്ധപ്പെട്ട കേസാണ് കുന്നമംഗലം കോടതി ജൂണ്‍ 11ലേക്ക് മാറ്റിവച്ചത്.

അഭിഭാഷകർ മുഖേന കേസില്‍ പ്രതി ചേർക്കപ്പെട്ട രണ്ട് ഡോക്ടർമാരും 2 നേഴ്സുമാരും സമർപ്പിച്ച അവധി അപേക്ഷ പരിഗണിച്ചുകൊണ്ടാണ് കേസ് ജൂണ്‍ 11 ലേക്ക് കോടതി മാറ്റിവച്ചത്. കഴിഞ്ഞ ഡിസംബറില്‍ കേസുമായി ബന്ധപ്പെട്ട് കോടതിയില്‍ ഹാജരാകാൻ ആവശ്യപ്പെട്ടുകൊണ്ടുള്ള സമൻസ് കോടതി പ്രതികള്‍ക്ക് അയച്ചിരുന്നു.

കോഴിക്കോട് മെഡിക്കല്‍ കോളേജ് ആശുപത്രിയില്‍ 2017 നവംബർ 30ന് നടന്ന ഹർഷിനയുടെ മൂന്നാമത്തെ പ്രസവ ശസ്ത്രക്രിയയ്‌ക്കിടെയാണ് വയറ്റില്‍ കത്രിക കുടുങ്ങിയത് എന്നാണ് പോലീസ് അന്വേഷണത്തില്‍ വ്യക്തമാകുന്നത്.

മെഡിക്കല്‍ കോളേജ് എസ് പിയായിരുന്ന കെ സുദർശനൻ മെഡിക്കല്‍ നെഗ്ലിജൻസ് ആക്‌ട് പ്രകാരം എടുത്ത കേസില്‍ അന്വേഷണം നടത്തുകയും പ്രതികള്‍ക്കെതിരെ കുറ്റപത്രം സമർപ്പിക്കുകയും ചെയ്തിരുന്നു.

The post പ്രസവ ശസ്ത്രക്രിയയ്‌ക്കിടെ യുവതിയുടെ വയറ്റില്‍ കത്രിക തുടങ്ങിയ സംഭവം; കേസ് ജൂണ്‍ 11ലേക്ക് മാറ്റി കോടതി appeared first on News Bengaluru.