ബെംഗളൂരു: ചിത്രദുർഗ മഠാധിപതി ഉൾപ്പെട്ട പീഡനക്കേസിൽ അതിജീവിതയുടെ അമ്മാവൻ അറസ്റ്റിൽ. ചിത്രദുർഗ മരുഗ മഠം മഠാധിപതി ശിവമൂർത്തി മുരുഗശരണരുവിനെതിരെ ചുമത്തിയ പോക്സോ കേസിൽ മൊഴി മാറ്റി നൽകാനും കേസ് പിൻവലിക്കാനും ആവശ്യപ്പെട്ട് അമ്മാവൻ ഭീഷണിപ്പെടുത്തുന്നു എന്ന് അതിജീവിത പരാതി നൽകിയിരുന്നു. ഇതേ തുടർന്നാണ് അറസ്റ്റ്.
മെയ് 22ന് പെൺകുട്ടിയെ അമ്മാവൻ്റെ വീട്ടിൽ നിന്ന് കാണാതായിരുന്നു. രണ്ട് ദിവസത്തിന് ശേഷം കുട്ടിയെ കാണാനില്ലെന്ന് ചൂണ്ടിക്കാട്ടി അമ്മാവൻ പരാതി നൽകി. അതേ ദിവസം തന്നെ പെൺകുട്ടി മൈസൂരുവിലെ ഓടനാടി സേവാ സംസ്‌ഥേ എന്ന എൻജിഒയിൽ എത്തിച്ചേർന്നിരുന്നു. പോക്സോ കേസിലെ അന്വേഷണവുമായി സഹകരിക്കുന്നതിൽ നിന്ന് തന്നെ തടയാൻ അമ്മാവൻ ശ്രമിക്കുന്നതായി കുട്ടി എൻജിഒ അംഗങ്ങളെ അറിയിച്ചു. തുടർന്ന് ഇവർ പെൺകുട്ടിയോട് പരാതി നൽകാൻ ആവശ്യപ്പെടുകയായിരുന്നു.
കേസിൽ അറസ്റ്റിലായി റിമാൻഡിൽ കഴിയുകയായിരുന്ന ശിവമൂർത്തിക്ക് കഴിഞ്ഞ നവംബറിൽ ഹൈക്കോടതി ജാമ്യം അനുവദിച്ചിരുന്നു. ചിത്രദുർഗയിൽ പ്രവേശിക്കരുതെന്നതുൾപ്പെടെയുള്ള വ്യവസ്ഥകളോടെയായിരുന്നു ജാമ്യം. ഇത് ഏപ്രിൽ 23-ന് സുപ്രീംകോടതി സ്റ്റേ ചെയ്തിരുന്നു. ഇതിനെത്തുടർന്നാണ് ശിവമൂർത്തി ചിത്രദുർഗ കോടതിയിൽ കീഴടങ്ങിയത്. 2022 സെപ്റ്റംബറിലാണ് ശിവമൂർത്തിയെ ചിത്രദുർഗ പോലീസ് അറസ്റ്റു ചെയ്തത്. മഠത്തിനുകീഴിലുള്ള ഹോസ്റ്റലിൽ താമസിച്ചുപഠിക്കുകയായിരുന്ന രണ്ട് ഹൈസ്കൂൾ വിദ്യാർഥിനികളെ ലൈംഗികമായി പീഡിപ്പിച്ചതായാണ് കേസ്.
കോട്ടയം: കോട്ടയം കോട്ടയം കളക്ടറേറ്റില്‍ ബോംബ് ഭീഷണി. ഉച്ചക്ക് 1.30 ന് ബോംബ് പൊട്ടുമെന്നും ജീവനക്കാരെ ഒഴിപ്പിക്കണമെന്നുമാണ് ഇ മെയില്‍…
മലപ്പുറം: വിവാഹവാഗ്ദാനം നല്‍കി പീഡിപ്പിച്ചെന്ന യുവതിയുടെ പരാതിയില്‍ പഞ്ചായത്ത് അംഗത്തെ അറസ്റ്റ് ചെയ്തു. കരിപ്പൂര്‍ കുമ്മിണിപ്പറമ്പ് വളപ്പില്‍ മുഹമ്മദ് അബ്ദുള്‍…
തിരുവനന്തപുരം: സ്വര്‍ണവിലയില്‍ ഇന്ന് വര്‍ധന. കഴിഞ്ഞ ദിവസങ്ങളില്‍ താഴ്ച്ചയുടെ സൂചനകള്‍ കാണിച്ച സ്വര്‍ണം ഇന്ന് ഗ്രാമിന് 50 രൂപ വര്‍ധിച്ചു.…
തിരുവനന്തപുരം: സോഷ്യൽ മീഡിയയിലൂടെയുള്ള വെളിപ്പെടുത്തലുകളുടെയും ആരോപണങ്ങളുടെയും അടിസ്ഥാനത്തിൽ രാഹുൽ മാങ്കൂട്ടത്തിലിനെ യൂത്ത് കോൺഗ്രസ് സംസ്ഥാന അധ്യക്ഷസ്ഥാനത്തുനിന്നടക്കം നീക്കിയേക്കുമെന്ന് റിപ്പോർട്ട്. ആരോപണങ്ങള്‍…
കണ്ണൂർ: കണ്ണൂർ സെന്‍ട്രല്‍ ജയിലില്‍ നിന്ന് വീണ്ടും മൊബൈല്‍ ഫോണ്‍ പിടികൂടി. ഇ ഡിവിഷനിലെ 12ാം നമ്പര്‍ സെല്ലിന്റെ ഭിത്തിയില്‍…
ന്യൂഡൽഹി: ഇന്ത്യൻ വിമാനങ്ങൾക്ക് പാകിസ്ഥാന്‍ ഏർപ്പെടുത്തിയ വ്യോമഗതാഗത വിലക്ക് സെപ്റ്റംബർ 23 വരെ നീട്ടി. ഈ മാസം 24ന് അവസാനിക്കേണ്ടിയിരുന്ന വിലക്കാണ്…