ബെംഗളൂരു: മഴക്കെടുതിയിൽ കർണാടകയിൽ ഈ വർഷം ഇതുവരെ 58 പേർ മരിച്ചതായി റവന്യു മന്ത്രി കൃഷ്ണ ബൈരെ ഗൗഡ പറഞ്ഞു. ഇത്തവണ സാധാരണയിലും കവിഞ്ഞ മഴയാണ് സംസ്ഥാനത്ത് ലഭിച്ചത്. 80,000 ഹെക്ടറിൽ വിളനാശവും രേഖപ്പെടുത്തിയിട്ടുണ്ട്. വരും ദിവസങ്ങളിൽ സംസ്ഥാനത്തിൻ്റെ വിവിധ ഭാഗങ്ങളിൽ ശക്തമായ മഴയ്ക്ക് സാധ്യതയുണ്ടെന്നും മുൻകരുതൽ നടപടികൾ സ്വീകരിക്കാൻ ഉദ്യോഗസ്ഥർക്ക് നിർദ്ദേശം നൽകിയിട്ടുണ്ടെന്നും അദ്ദേഹം പറഞ്ഞു.
വടക്കൻ ഉൾപ്രദേശങ്ങളിൽ ശരാശരി 260 മില്ലീമീറ്ററാണ് കാലവർഷത്തിൽ പതിവായി മഴ ലഭിക്കുന്നത്. എന്നാൽ ഈ വർഷം 322 മില്ലീമീറ്ററാണ് ലഭിച്ചത്. ഇത് സാധാരണയേക്കാൾ 24 ശതമാനം കൂടുതലാണ്. മലനാട് മേഖലയിൽ സാധാരണയായി 1,127 മില്ലീമീറ്ററാണ് മഴ ലഭിക്കുന്നത്. എന്നാൽ ഈ വർഷം 1,361 മില്ലീമീറ്ററാണ് ലഭിച്ചത്. സാധാരണയേക്കാൾ 21 ശതമാനം കൂടുതലാണ് എസ് കണക്ക്. തീരദേശ മേഖലയിൽ ഇതുവരെ 2,299 മില്ലിമീറ്റർ മഴയാണ് ലഭിച്ചിരുന്നത്. എന്നാൽ ഈ വർഷം 2,947 മില്ലിമീറ്റർ മഴ ലഭിച്ചു. സംസ്ഥാനത്ത് ശരാശരി 553 മില്ലിമീറ്റർ മഴയാണ് (സാധാരണയായി) ലഭിച്ചതെങ്കിൽ ഈ വർഷം 699 മില്ലിമീറ്റർ മഴ ലഭിച്ചു. ഇത് 26 ശതമാനം കൂടുതലാണെന്ന് മന്ത്രി പറഞ്ഞു.
കാലവർഷം ഒന്നര മാസം കൂടി തുടരുമെന്നും വരും ദിവസങ്ങളിൽ കൂടുതൽ മഴ പ്രതീക്ഷിക്കുന്നുവെന്നും മന്ത്രി പറഞ്ഞു. കർണാടക-മഹാരാഷ്ട്ര അതിർത്തിയും കൃഷ്ണ, കാവേരി നദീതട പ്രദേശങ്ങളിലും താമസിക്കുന്നവർ ജാഗ്രത പാലിക്കണമെന്നും അദ്ദേഹം ആവശ്യപ്പെട്ടു.
ജില്ലകളിൽ വെള്ളപ്പൊക്കം ഉണ്ടാകാതിരിക്കാൻ മുൻകരുതൽ നടപടികൾ സ്വീകരിക്കാൻ ജില്ലാ കളക്ടർമാർക്ക് നിർദ്ദേശം നൽകിയിട്ടുണ്ടെന്നും മന്ത്രി പറഞ്ഞു. ഉരുൾപൊട്ടൽ സാധ്യതയുള്ള പ്രദേശങ്ങളിലെ വീടുകളിൽ നിന്നും ആളുകളെ കണ്ടെത്തി സുരക്ഷിത കേന്ദ്രങ്ങളിലേക്ക് മാറ്റാൻ ജില്ലാ ഡെപ്യൂട്ടി കമ്മീഷണർമാർക്ക് നിർദ്ദേശം നൽകിയിട്ടുണ്ടെന്നും മന്ത്രി കൂട്ടിച്ചേർത്തു.
TAGS: KARNATAKA | RAIN UPDATES
SUMMARY: 58 dead, 80,000 hectares crop damage in K’taka so far: Min. Krishna Byre Gowda
പത്തനംതിട്ട: വീട്ടിലെ വളർത്തു പൂച്ചയുടെ നഖം കൊണ്ട് മുറിവേറ്റ് ചികിത്സയിലായിരുന്ന പെൺകുട്ടി മരിച്ചു. പന്തളം കടക്കാട് അഷ്റഫ് റാവുത്തർ- സജിന…
ബെംഗളൂരു: കര്‍ണാടക നായര്‍ സര്‍വീസ് സൊസൈറ്റി തിപ്പസന്ദ്ര- സി വി രാമന്‍നഗര്‍ കരയോഗം കുടുംബസംഗമം 'വിസ്മയം 2025' ജൂലൈ 13…
പത്തനംതിട്ട: മാളികപ്പുറം ക്ഷേത്രത്തിനു സമീപം പുതുതായി നിർമ്മിച്ച നവഗ്രഹ ക്ഷേത്രത്തിലെ പ്രതിഷ്ഠാ കർമ്മത്തിനായി ശബരിമല നട നാളെ തുറക്കും. വൈകിട്ട്…
ബെംഗളൂരു: ശ്രീനാരായണ സമിതിയുടെ ആഭിമുഖ്യത്തിൽ ഹലസൂരു ഗുരുമന്ദിരത്തിൽ ഗുരുപൂര്‍ണ്ണിമ ദിനം ആഘോഷിച്ചു. മഹിളാവിഭാഗത്തിന്റെയും, ക്ഷേത്രകമ്മറ്റിയുടെയും നേതൃത്വത്തിൽ നടന്ന ചടങ്ങുകള്‍ക്ക് സമിതി…
തിരുവനന്തപുരം: കിള്ളിപ്പാലം ബണ്ട് റോഡിന് സമീപം ആക്രിക്കടയ്ക്കു തീപിടിച്ചു. ഫയർഫോഴ്‌സിൻ്റെ സമയോചിതമായി ഇടപെടലില്‍ മറ്റിടങ്ങളിലേക്ക് തീ പടരാതെ അണയ്ക്കാനായി. മുഹമ്മദ്…
കോഴിക്കോട്: കൊയിലാണ്ടി വെങ്ങളം മേല്‍പ്പാലത്തില്‍ സ്വകാര്യ ബസ് പാലത്തിന്റെ കൈവരിയില്‍ ഇടിച്ചുകയറി 20 യാത്രക്കാര്‍ക്ക് പരുക്കേറ്റു. കോഴിക്കോട് നിന്ന് ഇരിട്ടിയിലേക്ക്…