മെട്രോ ട്രെയിനിന് മുമ്പിലേക്ക് ചാടി യുവാവ് ജീവനൊടുക്കി

ബെംഗളൂരു: ബെംഗളൂരുവിൽ മെട്രോ ട്രെയിനിന് മുമ്പിലേക്ക് ചാടി 35കാരൻ ജീവനൊടുക്കി. സൗത്ത് ബെംഗളൂരുവിലെ ദൊഡ്ഡകല്ലസാന്ദ്ര മെട്രോ സ്റ്റേഷനിൽ ശനിയാഴ്ച വൈകീട്ടാണ് സംഭവം. പ്ലാറ്റ്ഫോമിൽ നിർത്തിയിട്ട ട്രെയിൻ നീങ്ങാൻ തുടങ്ങിയതോടെ ഇയാൾ ട്രാക്കിലേക്ക് ചാടുകയായിരുന്നു. സംഭവം വളരെ പെട്ടെന്നായതിനാൽ ഡ്രൈവർക്ക് ബ്രേക്ക് പിടിക്കാൻ കഴിഞ്ഞില്ല. മരിച്ചയാളെ ഇതുവരെ തിരിച്ചറിഞ്ഞിട്ടില്ല. സിസിടിവി ദൃശ്യങ്ങൾ കേന്ദ്രീകരിച്ച് ഇയാളെക്കുറിച്ചുള്ള വിവരങ്ങൾ ശേഖരിച്ചുവരികയാണെന്ന് പോലീസ് പറഞ്ഞു.

ആത്മഹത്യയാണെന്നാണ് പോലീസിന്റെ പ്രാഥമിക നിഗമനം. സംഭവത്തിന്‌ ശേഷം ഗ്രീൻ ലൈനിൽ മെട്രോ സർവീസുകൾ ഏതാനും മണിക്കൂർ നിർത്തിവെച്ചു. പോലീസും ഫോറൻസിക് സംഘങ്ങളും തെളിവെടുപ്പ് നടത്തിയ ശേഷം രാത്രി 7.30യോടെയാണ് ട്രെയിൻ സർവീസ് പുനസ്ഥാപിച്ചത്. ബെംഗളൂരുവിൽ ഈ വർഷം മെട്രോ ട്രെയിനിന് മുമ്പിൽ ചാടി ജീവനൊടുക്കുന്ന രണ്ടാമത്തെ സംഭവമാണിത്. മാർച്ച് 22 ന്, നാഷണൽ ലോ സ്കൂൾ ഓഫ് ഇന്ത്യ യൂണിവേഴ്സിറ്റിയിലെ നിയമ വിദ്യാർഥിയും മുംബൈ സ്വദേശിയുമായ ധ്രുവ് ജതിൻ തക്കർ അത്തിഗുപ്പെ മെട്രോ സ്റ്റേഷനിൽ വെച്ച് ട്രെയിനിന് മുമ്പിലേക്ക് ചാടി ആത്മഹത്യ ചെയ്തിരുന്നു.

ആത്മഹത്യ ഒരു പ്രശ്നത്തിനും പരിഹാരമല്ല. നിങ്ങൾക്ക് എന്തെങ്കിലും തരത്തിലുള്ള വിഷമമുണ്ടെങ്കിൽ ദയവായി മാനസികാരോഗ്യ വിദഗ്ധരുടെ സഹായം തേടുക. 

Karnataka : Sahai (24-hour): 080 65000111, 080 65000222

Tamil Nadu : State health department’s suicide helpline: 104

Sneha Suicide Prevention Centre : 044-24640050 (listed as the sole suicide prevention helpline in Tamil Nadu)

Andhra Pradesh : Life Suicide Prevention: 78930 78930

Roshni : 9166202000, 9127848584

Kerala : Maithri: 0484 2540530, Chaithram: 0484 2361161(Both are 24-hour helpline numbers)

Telangana : State government’s suicide prevention (tollfree): 104, Roshni: 040 66202000, 6620200, SEVA: 09441778290, 040 27504682 (between 9 am and 7 pm)

TAGS: BENGALURU | NAMMA METRO
SUMMARY: Man dies after jumping in front of moving Metro train in Bengaluru