ന്യൂഡല്‍ഹി: ലോകത്ത് ഏറ്റവും കൂടുതൽ സമ്പന്നരുള്ള 10 നഗരങ്ങളുടെ പട്ടികയില്‍ ഇടം തേടി രണ്ട് ഇന്ത്യൻ നഗരങ്ങള്‍. ഹുറൂൺ ഗ്ലോബൽ റിച്ച് ലിസ്റ്റ് 2024 പ്രകാരമുള്ള ആദ്യപത്തിൽ മുംബൈ, ന്യൂഡല്‍ഹി എന്നീ നഗരങ്ങളാണ് ഇടംപിടിച്ചത്. ന്യൂയോർക്ക്, ലണ്ടൻ, ബെയ്ജിങ്, ഷാങ്ഹായ്, ഷെൻഷൻ, ഹോങ്കോങ്, മോസ്കോ, സാൻഫ്രാൻസിസ്കോ എന്നിവയാണ് പട്ടികയിലെ മറ്റുസമ്പന്ന നഗരങ്ങൾ.
ന്യൂയോർക്കിലാണ് ഏറ്റവും കൂടുതൽ സമ്പന്നരുള്ളത്. ഇവിടെ 119 ശതകോടീശ്വരൻമാരാണുള്ളത്. രണ്ടാംസ്ഥാനത്തുള്ള ബ്രിട്ടീഷ് തലസ്ഥാനമായ ലണ്ടനിൽ 96ഉം. 92 അതിസമ്പന്നരുമായി മുംബൈ ആണ് പട്ടികയിൽ മൂന്നാംസ്ഥാനത്തുള്ളത്. ചൈനീസ് തലസ്ഥാനമായ ബെയ്ജിങ് 91 ശതകോടീശ്വരൻമാരുമായി പട്ടികയിൽ നാലാമതാണ്. എണ്ണമറ്റ ആഗോള കമ്പനികളുടെ ആസ്ഥാനമാണ് ബെയ്ജിങ്. ചൈനയുടെ ധനകാര്യ തലസ്ഥാനം എന്നറിയപ്പെടുന്ന ഷാങ്ഹായിയിൽ 87 അതിസമ്പന്നരുണ്ട്. ഷെൻഷെൻ-84, ഹോങ്കോങ്- 65, മോസ്കോ-59, ന്യൂഡൽഹി-57, സാൻ ഫ്രാൻസിസ്കോ-52, ബാങ്കോക്ക്-49, തായ്പേയ്-45, പാരിസ്-44, ഹാങ്ഷൂ-43, സിംഗപ്പൂർ-42 എന്നിങ്ങനെയാണ് കണക്ക്.
ശതകോടീശ്വരന്മാരുടെ എണ്ണത്തിൽ ഏഷ്യയിലെ ഒന്നാം നമ്പർ നഗരം കൂടിയാണ് മുംബൈ. ബീജിങ്ങിനെ മറികടന്നാണ് ഇന്ത്യയുടെ സാമ്പത്തിക തലസ്ഥാനമായ നഗരം ഈ നേട്ടം കൈവരിച്ചിരിക്കുന്നത്. ഇന്ത്യയിലെ രണ്ടാമത്തെ നഗരം ഡൽഹി ആണ്. ഇവിടെ 18 പേരാണ് പുതിയതായി പട്ടികയിൽ ഇടം പിടിച്ചത്, ആകെ എണ്ണം 217. ശതകോടീശ്വരന്മാരുടെ എണ്ണത്തിൽ മൂന്നാമതുള്ളത് ഹൈദരാബാദ് ആണ്. ഇവിടെ 17 പേർ കൂടി ശതകോടീശ്വരന്മാരായതോടെ ആകെ എണ്ണം 104 ആയി. 100 ശതകോടീശ്വരന്മാരുള്ള ബെംഗഗളൂരുവാണ് 2024 Hurun India Rich List പട്ടികയിൽ നാലാമതുള്ളത്. പട്ടികയിൽ ആദ്യപത്തിലുള്ള മറ്റ് നഗരങ്ങൾ യഥാക്രമം ചെന്നൈ (82), കൊൽക്കത്ത (69), അഹമ്മദാബാദ് (67), പൂനെ (53). സൂറത്ത് (28), ഗുരുഗ്രാം (23) എന്നിവയാണ്.
ഹുറൂൺ സമ്പന്നന്‍മാരുടെ പട്ടികയിൽ ബോളിവുഡ് സൂപ്പർതാരം ഷാരൂഖ് ഖാനും ഇടംപിടിച്ചിട്ടുണ്ട്. 7300 കോടിയാണ് 58കാരനായ താരത്തിന്റെ ആസ്തി. ഐപിഎൽ ടീം കൊൽക്കത്തനൈറ്റ് റൈഡേഴ്സിന്റേയും റെഡ് ചില്ലീസ് എന്റർടെയ്ൻമെന്റിന്റേയും ഉടമസ്ഥനെന്ന നിലയിൽ ആസ്തിയിലുണ്ടായ വർധനയാണ് കിങ് ഖാന് നേട്ടമായത്. ഷാരൂഖിനൊപ്പം ജൂഹി ചാവ്ല, ഹൃത്വിക് റോഷൻ, കരൺ ജോഹർ, ബച്ചൻ കുടുംബം തുടങ്ങിയവരും പട്ടികയിലുണ്ട്. ലുലു ഗ്രൂപ്പ് ചെയർമാൻ എംഎ യൂസഫലി ഇക്കുറിയും ഇടംപിടിച്ചു. 55,000 കോടിയാണ് ആസ്തി.
റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനിയെ പിന്തള്ളി അദാനി ഗ്രൂപ്പ് ചെയർമാൻ ഗൗതം അദാനി ഇന്ത്യയിലെ ഏറ്റവും സമ്പന്നൻ എന്ന നേട്ടം സ്വന്തമാക്കി. 11.6 ലക്ഷം കോടിയാണ് അദാനിയുടെ ആസ്തി. 95 ശതമാനമാണ് കഴിഞ്ഞവർഷം അദാനിയുടെ സമ്പത്തിലുണ്ടായ വർധന. 10.14 ലക്ഷം കോടിയാണ് രണ്ടാംസ്ഥാനത്തുള്ള മുകേഷ് അംബാനിയുടെ ആസ്തി.
<BR>
TAGS : HURUN GLOBAL RICH LIST
SUMMARY : Two Indian cities among top 10 richest cities in the world
കറാച്ചി: പഹല്‍ഗാമിലെ പാക് ഭീകരാക്രമണത്തെ തുടര്‍ന്ന് ഇന്ത്യ സിന്ധു നദീജല കരാര്‍ റദ്ദാക്കിയതില്‍ പ്രതിഷേധിച്ച് ഇന്ത്യക്കുള്ള വ്യോമപാത അടച്ച നടപടിയില്‍…
ബെംഗളൂരു: ബെംഗളൂരുവിൽ വാഹനാപകടത്തിൽ നവവധുവിന് ദാരുണാദ്യം. ചെന്നപ്പട്ടണ സ്വദേശിനിയും മല്ലേശ്വരത്ത് താമസക്കാരിയുമായ എസ് ഗീത (23) ആണ് മരിച്ചത്. ഗീതയുടെ…
പാലക്കാട്: ആലത്തൂരിൽ ,മാല മോഷണത്തിന് സർക്കാർ ഉദ്യോഗസ്ഥൻ പിടിയിൽ. എയ്ഡഡ് സ്കൂളിലെ ഓഫീസ് അസിസ്റ്റന്റ് സമ്പത്ത് ആണ് പിടിയിലായത്. തൊഴിലുറപ്പ്…
ന്യൂഡല്‍ഹി: തിരഞ്ഞെടുപ്പ് അട്ടിമറി ആരോപണത്തില്‍ രാഹുല്‍ ഗാന്ധിക്ക് തിരഞ്ഞെടുപ്പ് കമ്മീഷന്‍ നോട്ടീസ് അയച്ചു. കര്‍ണാടക മുഖ്യ തിരഞ്ഞെടുപ്പ് കമ്മീഷണറാണ് നോട്ടീസ്…
ബെംഗളൂരു: ബെംഗളൂരുവിൽ വന്ദേഭാരത് ട്രെയിനുകൾ ഫ്ലാഗ് ഓഫ് ചെയ്ത് പ്രധാനമന്ത്രി നരേന്ദ്രമോദി. മൂന്ന് പുതിയ വന്ദേ ഭാരത് ട്രെയിനുകളാണ് പ്രധാനമന്ത്രി…
തിരുവനന്തപുരം: നിർമാതാക്കളുടെ സംഘടനയിലേക്ക് നടക്കുന്ന തിരഞ്ഞെടുപ്പില്‍ പ്രസിഡന്റ് സ്ഥാനത്തേക്ക് സാന്ദ്ര തോമസ് നല്‍കിയ നാമനിർദേശ പത്രിക തള്ളിയതുമായി ബന്ധപ്പെട്ട് വലിയ…