ഡൽഹി: ഡല്‍ഹിയില്‍ അറസ്റ്റിലായ സിജെപി പ്രതിനിധി അഭിജീത് ദീപ്‌കെയ്ക്ക് ജാമ്യം ലഭിച്ചു. ഉപാധികളോടെയാണ് ജാമ്യം അനുവദിച്ചിരിക്കുന്നത്. ജാമ്യത്തിനായി ബോണ്ട് സമർപ്പിക്കേണ്ടതുണ്ടെന്നാണ് ലഭ്യമായ വിവരം. എന്നാല്‍ ജാമ്യത്തിന്റെ മറ്റ് ഉപാധികള്‍ സംബന്ധിച്ച വിശദാംശങ്ങള്‍ വ്യക്തമായിട്ടില്ല. ‘ലഹ്റാ ദോ തിരംഗ’ റാലിക്ക് മുന്നോടിയായി വെള്ളിയാഴ്ചയാണ് അഭിജീത് ദീപ്‌കെയെയും എഐഎസ്‌എ (AISA) ദേശീയ അധ്യക്ഷ നെഹ ബോറയെയും മുൻകരുതല്‍ നടപടികളുടെ ഭാഗമായി അറസ്റ്റ് ചെയ്തത്.
ഭാരതീയ നാഗരിക് സുരക്ഷാ സംഹിതയിലെ (BNSS) 163-ാം വകുപ്പ് പ്രകാരമുള്ള നിരോധനാജ്ഞ ലംഘിച്ചെന്നാരോപിച്ചായിരുന്നു പോലീസിന്റെ നടപടി. വെള്ളിയാഴ്ച ന്യൂഡല്‍ഹിയിലെ കണോട്ട് പ്ലേസിലും സമീപപ്രദേശങ്ങളിലും നിരോധനാജ്ഞ നിലനില്‍ക്കെ ആളുകള്‍ ഒത്തുകൂടിയതുമായി ബന്ധപ്പെട്ട് ഒന്നിലധികം എഫ്‌ഐആറുകള്‍ രജിസ്റ്റർ ചെയ്തതായി ഡല്‍ഹി പൊലീസ് അറിയിച്ചു. നിരോധനാജ്ഞ ലംഘിക്കുന്നവർക്കെതിരെ തുടർനടപടികള്‍ സ്വീകരിക്കുമെന്നും പോലീസ് വ്യക്തമാക്കിയിരുന്നു.
SUMMARY: Abhijeet Dipke granted bail; released with conditions
