ബെംഗളൂരു: കെആർ പുരത്ത് വീട്ടിൽ പാചകവാതക സിലിണ്ടർ പൊട്ടിത്തെറിച്ച് വീട്ടുടമസ്ഥയ്ക്കും അയല്‍വാസിക്കും പരുക്ക്. മഞ്ജുനാഥ ലേഔട്ടിലെ പൂർണിമ (46), അയൽവാസി വെങ്കടേഷ് (40) എന്നിവർക്കാണ് പരുക്കേറ്റത്. ഗുരുതര പൊള്ളലേറ്റ ഇരുവരെയും ആശുപത്രിയിൽ പ്രവേശിപ്പിച്ചു. വാതകം ചോരുന്ന മണം ശ്രദ്ധയിൽപ്പെട്ട് എത്തിയതായിരുന്നു വെങ്കടേഷ്. അപ്പോഴാണ് സ്ഫോടനമുണ്ടായത്.
രണ്ടുനില കെട്ടിടത്തിലാണ് തീപിടുത്തമുണ്ടായത്. ഒന്നാം നിലയിലാണ് പൂർണിമ താമസിക്കുന്നത്, അതിനു മുകളിലായി മറ്റ് വീടുകളും ഉണ്ടായിരുന്നു. സ്ഫോടനം നടന്ന സമയത്ത് കെട്ടിടത്തിലെ മറ്റു വാടകക്കാർ അവിടെ ഉണ്ടായിരുന്നില്ലെന്ന് പോലീസ് ഉദ്യോഗസ്ഥർ പറഞ്ഞു. സംഭവം നടന്നയുടനെ സ്ഥലത്തെത്തിയ അഗ്നിശമന സേനയും അടിയന്തര സേവന ഉദ്യോഗസ്ഥരും തീ അണച്ചതിനാൽ കൂടുതൽ നാശനഷ്ടങ്ങൾ ഒഴിവായി.
SUMMARY: 2 injured in cooking gas cylinder explosion at KR Puram
