ഹൈദരാബാദ്: തെലങ്കാനയിൽ മുനിസിപ്പാലിറ്റികളിലേക്കും കോർപ്പറേഷനുകളിലേക്കുമുള്ള തദ്ദേശ സ്വയംഭരണ തിരഞ്ഞെടുപ്പിന്റെ വോട്ടെടുപ്പ് ഇന്ന് നടക്കും. സംസ്ഥാനത്തെ 116 മുനിസിപ്പാലിറ്റികളിലേക്കും ഏഴ് മുനിസിപ്പൽ കോർപ്പറേഷനുകളിലേക്കുമാണ് ബുധനാഴ്ച വോട്ടെടുപ്പ് നടക്കുന്നത്.
രാവിലെ 7 മണിക്ക് ആരംഭിച്ച പോളിംഗ് വൈകിട്ട് 5 വരെ തുടരും. ആകെ 13,000-ത്തോളം സ്ഥാനാർത്ഥികളാണ് ജനവിധി തേടുന്നത്. 52 ലക്ഷത്തിലധികം വോട്ടർമാർ ഇന്ന് പോളിംഗ് ബൂത്തുകളിലെത്തും. ഇതിൽ 26.67 ലക്ഷം സ്ത്രീകളും 25.50 ലക്ഷം പുരുഷന്മാരുമാണ്.തിരഞ്ഞെടുപ്പ് സുഗമമായി നടത്തുന്നതിനായി 41,000-ത്തിലധികം ഉദ്യോഗസ്ഥരെ വിന്യസിച്ചിട്ടുണ്ട്. എല്ലാ ബൂത്തുകളിലും വെബ്കാസ്റ്റിംഗ് സംവിധാനവും ഏർപ്പെടുത്തിയിട്ടുണ്ട്. ഫെബ്രുവരി 13-നാണ് വോട്ടെണ്ണൽ.
SUMMARY: Local body elections in Telangana today
