ഇന്ത്യയുടെ ദക്ഷിണാഫ്രിക്കന് പര്യടനം: സഞ്ജു സാംസണ് ഏകദിന ടീമില്
ദക്ഷിണാഫ്രിക്കക്ക് എതിരായ ഏകദിന, ടി20, ടെസ്റ്റ് പരമ്പരകൾക്കായുള്ള ഇന്ത്യൻ ക്രിക്കറ്റ് ടീമിനെ പ്രഖ്യാപിച്ചു. ഡിസംബർ 10നാണ് ഇന്ത്യയുടെ ദക്ഷിണാഫ്രിക്കൻ പരമ്പര ആരംഭിക്കുക. ഏകദിനത്തിനുള്ള ടീമിൽ മലയാളിതാരം സഞ്ജു സാംസണിനെ ഉൾപ്പെടുത്തിയിട്ടുണ്ട്. മൂന്ന് വീതം ട്വന്റി 20, ഏകദിന മത്സരങ്ങളും രണ്ട് ടെസ്റ്റും ഉള്പ്പെടുന്നതാണ് പര്യടനം. അജിത്ത് അഗാര്ക്കറിന്റെ നേതൃത്വത്തിലുള്ള സെലക്ഷന് കമ്മിറ്റി വ്യാഴാഴ്ച വൈകീട്ടാണ് ടീമിനെ പ്രഖ്യാപിച്ചത്. ഈ വർഷം ഓഗസ്റ്റിൽ നടന്ന വെസ്റ്റ് ഇൻഡീസിനെതിരായ ഏകദിന മത്സരത്തിലാണ് സഞ്ജു അവസാനമായി ഇന്ത്യൻ ജഴ്സി അണിഞ്ഞത്. ഏകദിന ടീമിനെ കെഎൽ രാഹുലും ടി20 ടീമിനെ സൂര്യകുമാർ യാദവുമാണ് നയിക്കുന്നത്.
വൈറ്റ് ബോൾ ക്രിക്കറ്റിൽ നിന്ന് വിശ്രമം വേണമെന്ന് വിരാട് കോലിയും രോഹിത് ശർമ്മയും ബിസിസിഐയെ അറിയിച്ചിരുന്നു. ഇതേതുടർന്ന് ഇരുവരെയും ടി20, ഏകദിന ടീമുകളിലേക്ക് പരിഗണിച്ചില്ല. ഡിസംബർ 26ന് ആരംഭിക്കുന്ന ടെസ്റ്റിൽ ഇരുവരും ടീമിന്റെ ഭാഗമാകും. ആശുപത്രിയിൽ ചികിത്സയിൽ തുടരുന്ന മുഹമ്മദ് ഷമി ഫിറ്റ്നസ് വീണ്ടെടുത്താൽ ടെസ്റ്റിൽ ടീമിനൊപ്പെം ചേരുമെന്നും ബിസിസിഐ അറിയിച്ചു. സീനിയർ താരങ്ങളായ അജിങ്ക്യാ രഹാനെയും ചേതേശ്വർ പൂജാരയും ടീമിൽ ഇടംപിടിച്ചിട്ടില്ല.
ഏകദിന പരമ്പരയ്ക്കുള്ള ഇന്ത്യന് ടീം: ഋതുരാജ് ഗെയ്ക്വാദ്, സായ് സുദര്ശന്, തിലക് വര്മ, രജത് പാട്ടിദാര്, റിങ്കു സിങ്, ശ്രേയസ് അയ്യര്, കെ.എല് രാഹുല് (ക്യാപ്റ്റന്), സഞ്ജു സാംസണ്, അക്ഷര് പട്ടേല്, വാഷിങ്ടണ് സുന്ദര്, കുല്ദീപ് യാദവ്, യുസ്വേന്ദ്ര ചെഹല്, മുകേഷ് കുമാര്, അവേശ് ഖാന്, അര്ഷ്ദീപ് സിങ്, ദീപക് ചാഹര്.
ട്വന്റി 20 മത്സരങ്ങള്ക്കുള്ള ഇന്ത്യന് ടീം: യശസ്വി ജയ്സ്വാള്, ശുഭ്മാന് ഗില്, ഋതുരാജ് ഗെയ്ക്വാദ്, തിലക് വര്മ, സൂര്യകുമാര് യാദവ് (ക്യാപ്റ്റന്), റിങ്കു സിങ്, ശ്രേയസ് അയ്യര്, ഇഷാന് കിഷന്, ജിതേഷ് ശര്മ, രവീന്ദ്ര ജഡേജ, വാഷിങ്ടണ് സുന്ദര്, രവി ബിഷ്ണോയ്, കുല്ദീപ് യാദവ്, അര്ഷ്ദീപ് സിങ്, മുഹമ്മദ് സിറാജ്, മുകേഷ് കുമാര്, ദീപക് ചാഹര്.
ടെസ്റ്റ് പരമ്പരയ്ക്കുള്ള ഇന്ത്യന് ടീം: രോഹിത് ശര്മ (ക്യാപ്റ്റന്), ശുഭ്മാന് ഗില്, യശസ്വി ജയ്സ്വാള്, വിരാട് കോലി, ശ്രേയസ് അയ്യര്, ഋതുരാജ് ഗെയ്ക്വാദ്, ഇഷാന് കിഷന്, കെ.എല് രാഹുല്, രവിചന്ദ്രന് അശ്വിന്, രവീന്ദ്ര ജഡേജ, ശാര്ദുല് താക്കൂര്, മുഹമ്മദ് സിറാജ്, മുകേഷ് കുമാര്, മുഹമ്മദ് ഷമി, ജസ്പ്രീത് ബുംറ, പ്രസിദ്ധ് കൃഷ്ണ.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള് പ്ലേ സ്റ്റോറില് ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്സ്റ്റാള് ചെയ്ത ശേഷം വാര്ത്തയുടെ ഒന്നിച്ചുള്ള ഓഡിയോ ബട്ടണ് അമര്ത്തിയാല് നമ്മുക്ക് വാര്ത്ത കേള്ക്കാനും സാധിക്കും. ഡൗണ്ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്ലോഡ് ചെയ്യുന്നതില് സാങ്കേതിക ബുദ്ധിമുട്ട് നേരിടുന്നുവെങ്കില് വിളിക്കുക : 888 4227 444
മലയാളം ഓഡിയോ ലഭിക്കുന്നതില് തടസ്സമുണ്ടെങ്കില് (ചില മൊബൈല് ഡിവൈസുകളില് മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്ഷന് കൂടി ഡൗണ്ലോഡ് ചെയ്ത് ഇന്സ്റ്റാള് ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള് വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള് മലയാളത്തിലോ ഇംഗ്ലീഷിലോ മാത്രം എഴുതുക. വാര്ത്തകളോട് പ്രതികരിക്കുന്നവര് അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. കേന്ദ്രസര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള് നടത്തുന്നത് ശിക്ഷാര്ഹമായ കുറ്റമാണ്.