മലപ്പുറം: തിരൂരിൽ ഒൻപതു മാസം പ്രായമുള്ള കുഞ്ഞിനെ വിറ്റു. ഒന്നര ലക്ഷം രൂപയ്ക്കാണ് കുഞ്ഞിനെ വിറ്റത്. കുഞ്ഞിനെ വിറ്റതും വാങ്ങിയതും തമിഴ്നാട് സ്വദേശികളാണ്. കുഞ്ഞിനെ തിരൂര് പോലീസ് രക്ഷിച്ചു. കുഞ്ഞിന്റെ അമ്മ കീര്ത്തന, രണ്ടാനച്ഛന് ശിവ, കുട്ടിയെ വാങ്ങിയ ആദി ലക്ഷ്മി, ഇട നിലക്കാരായ ശെന്തില് കുമാര്, പ്രേമലത എന്നിവരെ പോലീസ് അറസ്റ്റ് ചെയ്തു. കുഞ്ഞിനെ വളർത്തണം എന്ന ഉദ്ദേശത്തോടെയാണ് വാങ്ങിയതെന്ന് പിടിയിലായവർ പറഞ്ഞു.
3 ലക്ഷം രൂപയാണ് കുഞ്ഞിനെ വിൽക്കാൻ ഇവര് ആവശ്യപ്പെട്ടത്. പിന്നീട് ഒന്നരലക്ഷം രൂപയ്ക്ക് കരാറുറപ്പിച്ച് കുഞ്ഞിനെ കൈമാറുകയായിരുന്നു. തമിഴ്നാട് സേലം സ്വദേശികളായ ഇവര് തിരൂരിലുളള വാടക ക്വാര്ട്ടേഴ്സിലാണ് താമസിച്ചിരുന്നത്.
കുട്ടിയെ കുറേ നേരമായി കാണാനില്ലെന്ന വിവരം ഇവര്ക്കൊപ്പം ക്വാട്ടേഴ്സില് താമസിക്കുന്നവരാണ് തിരൂര് പോലീസിനെ അറിയിച്ചത്. മാതാപിതാക്കളോട് ചോദിച്ചപ്പോള് മാതാപിതാക്കള് വ്യക്തമായ ഉത്തരം നൽകിയില്ല. ഇതോടെയാണ് അയല്വാസികള് പോലീസിൽ അറിയിച്ചത്. പോലീസെത്തി അന്വേഷിച്ചപ്പോഴും ഇവര് വ്യക്തമായ മറുപടി നൽകിയില്ല. തുടര്ന്നുള്ള ചോദ്യം ചെയ്യലിലാണ് കുഞ്ഞിനെ മറ്റൊരാള്ക്ക് കൈമാറിയെന്ന വിവരം ഇവര് പറയുന്നത്. അങ്ങനെയാണ് കോഴിക്കോട് താമസിക്കുന്ന യുവതിയിലേക്ക് അന്വേഷണമെത്തുന്നത്. ഈ യുവതി പറയുന്നത് സ്വന്തം മകളായി വളര്ത്താനാണ് കുഞ്ഞിനെ വാങ്ങിയതെന്നാണ്.
മാതാപിതാക്കള് നല്കിയ വിവരത്തിന്റെ അടിസ്ഥാനത്തില് പോലീസ് കുട്ടിയെ കണ്ടെത്തി രക്ഷിക്കുകയും വൈകീട്ട് കുട്ടിയെ മലപ്പുറത്തെ ശിശു പരിപാലന കേന്ദ്രത്തിലേക്ക് മാറ്റുകയും ചെയ്തു. അഞ്ചുപേര്ക്കുമെതിരെ ജുവനൈല് ജസ്റ്റിസ് ആക്ട് സെഷന് 75, 81 എന്നിവ പ്രകാരം കേസെടുത്തു.
SUMMARY: 9-month-old baby sold for Rs 1.5 lakh
WhatsApp
Telegram
