മലപ്പുറം: മലപ്പുറം നിരപ്പറമ്പില് കുടുംബവഴക്കിനിടെ ഭർത്താവിനെയും ഭർതൃമാതാവിനെയും യുവതി കത്തികൊണ്ട് കുത്തിപ്പരിക്കേല്പ്പിച്ചു. പള്ളത്ത് വീട്ടില് ഭരത്ചന്ദ്രൻ (29), മാതാവ് കോമളവല്ലി (49) എന്നിവർക്കാണ് ആക്രമണത്തില് പരുക്കേറ്റത്. സംഭവത്തില് ഭരത് ചന്ദ്രന്റെ ഭാര്യ സജീനയെ (23) പോലീസ് കസ്റ്റഡിയിലെടുത്തു.
രണ്ടുപേർക്കും കുടുംബ വഴക്കിനിടെയാണ് കുത്തേറ്റതെന്നാണ് പ്രാഥമിക വിവരം. പരുക്കേറ്റ ഭരത് ചന്ദ്രനെയും കോമളവല്ലിയെയും ഉടൻതന്നെ കോട്ടക്കലിലെ സ്വകാര്യ ആശുപത്രിയില് പ്രവേശിപ്പിച്ചു. ഇരുവരുടെയും പരുക്ക് ഗുരുതരമല്ലെന്ന് ആശുപത്രി അധികൃതർ അറിയിച്ചു. സംഭവത്തില് പോലീസ് കൂടുതല് അന്വേഷണം നടത്തിവരികയാണ്.
SUMMARY: Woman attacked during family gathering; husband and mother-in-law stabbed
