ബെംഗളൂരു: വിദേശ പൗരന്മാര്ക്ക് ഇന്ത്യയില് വിസ ലഭിക്കുകയോ അത് പുതുക്കുകയോ ചെയ്യുന്നതില് നിയമപരമായ അവകാശമില്ലെന്ന് കര്ണാടക ഹൈക്കോടതി. വിസ നിഷേധിക്കുന്നതിന് കാരണം വിശദീകരിക്കേണ്ട ബാധ്യത സര്ക്കാരിനില്ലെന്നും കോടതി പറഞ്ഞു.
വിസ പുതുക്കണമെന്ന് ആവശ്യപ്പെട്ട് രണ്ട് വിദേശ പൗരന്മാര് നല്കിയ ഹര്ജി തള്ളിക്കൊണ്ടാണ് കോടതി ഈ നിലപാട് വ്യക്തമാക്കിയത്. ഇന്ത്യയില് താമസിക്കുന്നതും വിസ അനുവദിക്കുന്നതുമെല്ലാം കേന്ദ്ര സര്ക്കാരിന്റെ അധികാര പരിധിയിലാണെന്നും കോടതി കൂട്ടിച്ചേര്ത്തു.
കേസില് ഹർജിക്കാരായ നൈജീരിയന് പൗരന്മാരായ ഓബിന്ന ജെറിമിഹ ഓകാഫർയും ജോണ് അഡേവാഘ് വാന്ദെഫാനും വിസ റദ്ദാക്കിയ മുൻ ഉത്തരവിനെതിരെ ഹൈക്കോടതിയിൽ നൽകിയ ഹർജിയിൽ ഭരണഘടന അവകാശങ്ങളായ ആർട്ടിക്കിൾ 19,21 നിഷേധിക്കപ്പെട്ടതായുള്ള പരാമർശത്തിലാണ് കോടതിയുടെ മറുപടി. ചീഫ് ജസ്റ്റിസ് വിഭു ബഖ്രുയും ജസ്റ്റിസ് സി.എം. പുനാചയും ഉൾപ്പെട്ട ബെഞ്ചാണ് വിധി പറഞ്ഞത്.
SUMMARY: Foreign nationals do not have a right to demand renewal of their visa-Karnataka High Court
