കോഴിക്കോട്: കോഴിക്കോട് ഗോവിന്ദപുരം സ്വദേശി യു. ദീപക് (41) ആത്മഹത്യ ചെയ്ത സംഭവവുമായി ബന്ധപ്പെട്ട് അറസ്റ്റിലായ ഷിംജിത മുസ്തഫയ്ക്ക് ജാമ്യം ലഭിച്ചു. കോഴിക്കോട് പ്രിൻസിപ്പല് സെഷൻസ് കോടതിയാണ് ജാമ്യം അനുവദിച്ചത്. നേരത്തെ കുന്നമംഗലം മജിസ്ട്രേറ്റ് കോടതി ജാമ്യാപേക്ഷ തള്ളിയതിനെ തുടർന്ന് ഷിംജിത സെഷൻസ് കോടതിയെ സമീപിക്കുകയായിരുന്നു.
ഷിംജിത സമൂഹമാധ്യമങ്ങളില് വിഡിയോ പ്രചരിച്ചതിനെ തുടർന്നാണ് ദീപക് ആത്മഹത്യ ചെയ്തതെന്നാണ് കേസ്. ദീപകിന്റെ മാതാവ് നല്കിയ പരാതിയുടെ അടിസ്ഥാനത്തില് ആത്മഹത്യാപ്രേരണാ കുറ്റം ചുമത്തിയാണ് ഷിംജിതയെ പോലീസ് അറസ്റ്റ് ചെയ്തത്. ഷിംജിതയെ കസ്റ്റഡിയില് ചോദ്യം ചെയ്തതിന് ശേഷമുള്ള വിവരങ്ങള് ഉള്പ്പെടുത്തി പോലീസ് ചൊവ്വാഴ്ച കോടതിയില് റിപ്പോർട്ട് സമർപ്പിച്ചു.
ഉന്നത ഉദ്യോഗസ്ഥരുടെ നിർദേശപ്രകാരം തയ്യാറാക്കിയ ചോദ്യാവലിയുടെ അടിസ്ഥാനത്തിലാണ് ചോദ്യം ചെയ്യല് നടന്നതെന്നും പോലീസ് അറിയിച്ചു. അതേസമയം, കേസിലെ തൊണ്ടിമുതലുകളായ ലാപ്ടോപ്, മൊബൈല് ഫോണ് എന്നിവയുടെ ഫൊറൻസിക് പരിശോധനാഫലം ലഭിക്കുന്നതുവരെ ജാമ്യം അനുവദിക്കരുതെന്ന് പ്രോസിക്യൂഷൻ കോടതിയില് വാദിച്ചു. ദീപക്കിനെ ഭീഷണിപ്പെടുത്താൻ ശ്രമിച്ചോയെന്നത് ഉള്പ്പെടെ കൂടുതല് കാര്യങ്ങള് ഫൊറൻസിക് പരിശോധനയിലൂടെ വ്യക്തമാകുമെന്നാണ് പ്രോസിക്യൂഷന്റെ നിലപാട്.
SUMMARY: Deepak’s death; Shimjitha granted bail
