വയനാട്: വയനാട് മാനന്തവാടിയില് വീട്ടുമുറ്റത്ത് കളിച്ചുകൊണ്ടിരിക്കുകയായിരുന്ന നാല് വയസ്സുകാരിയെ തട്ടിക്കൊണ്ടുപോയ പ്രതി പിടിയില്. പടിഞ്ഞാറത്തറ സ്വദേശി ജിഹാസിനെയാണ് പോലീസ് പിടികൂടിയത്. നാട്ടില് നിന്ന് ഒളിച്ചോടാൻ ശ്രമിക്കുന്നതിനിടെ കോഴിക്കോട് റെയില്വേ സ്റ്റേഷനില് വച്ചാണ് പ്രതി പിടിയിലായത്. പ്രതിയെ പോലീസ് ചോദ്യം ചെയ്ത് വരികയാണ്.
ദ്വാരക പുലിക്കാടിലെ വട്ടപ്പാറ ബിജുവിന്റെ മകള് ജിയന്നയെയാണ് കഴിഞ്ഞ ശനിയാഴ്ച രാത്രി എട്ടുമണിയോടെ കാണാതായത്. പിന്നാലെ രണ്ടു മണിക്കൂറിനു ശേഷം 7 കിലോമീറ്റർ അകലെ വെച്ച് കുട്ടിയെ കണ്ടെത്തിയിരുന്നു. സിസിടിവി ദൃശ്യങ്ങളില് കുട്ടിയെ സ്കൂട്ടറില് ഇരുത്തി ഒരാള് കൊണ്ടുപോകുന്നത് പോലീസ് കണ്ടെത്തിയിരുന്നു.
റോഡില് നിന്ന് ഏകദേശം ഇരുപതുമീറ്റർ മാറിയാണ് ബിജുവിന്റെ വീട്. സമീപത്തെ വീട്ടിലെ സി.സി.ടി.വി. പരിശോധിച്ചപ്പോള് പുലിക്കാട് ഭാഗത്തുനിന്ന് സ്കൂട്ടർ ഓടിച്ചെത്തിയ ആള് കുട്ടിയെ വണ്ടിയില് കയറ്റിപ്പോകുന്നത് ശ്രദ്ധയില്പ്പെട്ടത്. തുടര്ന്ന് പ്രത്യേക അന്വേഷണസംഘം രൂപീകരിച്ച് നടത്തിയ തെരച്ചിലിലാണ് പ്രതിയെ കണ്ടെത്താനായത്.
SUMMARY: Accused arrested for kidnapping four-year-old girl from Wayanad
WhatsApp
Telegram
