ചെന്നൈ: ദളപതി വിജയ്യുടെ ചിത്രം ‘ജനനായകൻ’ റിലീസ് വീണ്ടും നീളുന്നു. ചിത്രം 2026 ഏപ്രില് 30-ന് മുമ്പ് തിയേറ്ററുകളില് എത്തില്ലെന്ന് വിദേശ വിതരണക്കാരായ യോർക്ക് സിനിമാസ് ഔദ്യോഗികമായി അറിയിച്ചു. ഇതോടെ ഏപ്രില് പകുതിയോടെ ചിത്രം റിലീസ് ചെയ്യുമെന്ന പ്രതീക്ഷയിലായിരുന്ന ആരാധകർ വലിയ നിരാശയിലാണ്.
സെൻസർ ബോർഡുമായുള്ള നിയമപോരാട്ടം നിർമ്മാതാക്കളായ കെ.വി.എൻ പ്രൊഡക്ഷൻസ് അവസാനിപ്പിച്ചതാണ് ഏറ്റവും പുതിയ നീക്കം. മദ്രാസ് ഹൈക്കോടതിയില് നല്കിയിരുന്ന ഹർജി പിൻവലിച്ച നിർമ്മാതാക്കള്, ചിത്രം സെൻസർ ബോർഡിന്റെ റിവൈസിംഗ് കമ്മിറ്റിക്ക് വിടാൻ തീരുമാനിച്ചു.
തമിഴ്നാട് നിയമസഭാ തിരഞ്ഞെടുപ്പ് അടുത്തിരിക്കുകയാണ്. ജനുവരി ഒമ്പതിന് റിലീസ് ചെയ്യേണ്ടിയിരുന്ന ചിത്രമാണിത്. നിലവിലെ സാഹചര്യത്തില് സെൻസർ നടപടികള് പൂർത്തിയാക്കി ചിത്രം തിയേറ്ററുകളിലെത്താൻ ഇനിയും കാത്തിരിക്കേണ്ടി വരുമെന്നാണ് സൂചന.
SUMMARY: Distributors say ‘Jananayakan’ will not be released in theaters anytime soon
