ബെംഗളൂരു: സ്ത്രീകളുടെ സാമൂഹിക- സാമ്പത്തിക- രാഷ്ട്രീയ നേട്ടങ്ങളെ ആദരിക്കുക, സ്ത്രീകളുടെ തുല്യത ഉറപ്പുവരുത്തുക എന്നി ലക്ഷ്യങ്ങളോടെ നാളെ നടക്കുന്ന വനിതാ ദിനത്തിൻ്റെ ഭാഗമായി ബെംഗളൂരുവിലെ മലയാളി കൂട്ടായ്മകള് വിവിധ പരിപാടികള് സംഘടിപ്പിക്കുന്നു.
ബെംഗളൂരു മലയാളി ഫോറം: ലേഡിസ് വിംഗിന്റെ നേതൃത്വത്തിൽ സംഘടിപ്പിക്കുന്ന പരിപാടികള് നാളെ വൈകുന്നേരം 4 മണി മുതൽ ബെന്നാർഗട്ട റോഡിൽ ഹുളിമാവ് സാൻതോം ചർച്ച് ഹാളിൽ നടക്കും. വിവാഹ ജീവിതത്തിൽ 30 വർഷം തികഞ്ഞ ദമ്പതിമാരെ ആദരിക്കുന്നതോടൊപ്പം സാംസ്കാരിക സമ്മേളനം, കൾച്ചറൽ പ്രോഗ്രാം, വനിതാ വിംഗിൻ്റെ പുതിയ കമ്മറ്റി പ്രഖ്യാപനം, ഡിന്നർ എന്നിവ ഉണ്ടാകും.
കെഎൻഎസ്എസ് ദാസറഹള്ളി കരയോഗം: മഹിളാവിഭാഗം ചൈതന്യയുടെ നേതൃത്വത്തിൽ നാളെ വൈകുന്നേരം മൂന്നു മണിക്ക് സന്തോഷ് നഗര് കരയോഗം ഓഫീസിൽ നടക്കുന്ന ആഘോഷത്തില് കവയത്രി ഇന്ദിരാ ബാലൻ മുഖ്യാഥിതിയാകും. കെഎൻഎസ്എസ്സിൽ നാൽപ്പതിരണ്ട് കരയോഗങ്ങളിലെ മഹിളാ വിഭാഗങ്ങളും അന്താരാഷ്ട്ര വനിതാ ദിനം ആഘോഷിക്കുന്നതിരിക്കും.
മലയാളി ഫാമിലി അസോസിയേഷന്: രാവിലെ 11 മണി മുതൽ ഡൊംമ്ളൂരില്ലുള്ള ഹോട്ടൽ കേരള പവലിയനിൽ വച്ച് പ്രസിഡൻ്റ് കേണൽ ഗംഗാധരൻ്റെ അധ്യക്ഷതയിൽ നടത്തുന്ന ആഘോഷത്തിൽ കുടുംബാംഗങ്ങളുടെ വിവിധ കലാപരിപാടികൾ ഉണ്ടായിരിക്കുമെന്ന് സെക്രട്ടറി അനിൽ കുമാർ ടി എ അറിയിച്ചു.
