ആലപ്പുഴ: റെയില്വേ സ്റ്റേഷനില് നിന്ന് യാത്ര തിരിക്കാനൊരുങ്ങിയ ധൻബാദ് എക്സ്പ്രസിന്റെ കോച്ചിനടിയില് അറ്റ നിലയില് മനുഷ്യന്റെ കൈ കണ്ടെത്തി. ട്രെയിനിന്റെ എസ് 5 (S5) കോച്ചിന് താഴെയാണ് ഇന്ന് രാവിലെ കൈ കണ്ടെത്തിയത്. കഴിഞ്ഞ ദിവസം രാത്രിയാണ് ഈ ട്രെയിൻ ധൻബാദില് നിന്ന് ആലപ്പുഴയില് എത്തിയത്.
സംഭവത്തെത്തുടർന്ന് അധികൃതർ എസ് 5 കോച്ച് മാത്രം സ്റ്റേഷനില് പിടിച്ചിടുകയും ബാക്കി കോച്ചുകളുമായി ട്രെയിൻ യാത്ര തുടരുകയും ചെയ്തു. ട്രെയിൻ തട്ടി മരിച്ച ആരുടെയെങ്കിലും ശരീരഭാഗമാകാം ഇതെന്നാണ് പ്രാഥമിക നിഗമനം. റെയില്വേ സംരക്ഷണ സേന സംഭവത്തില് കേസെടുത്ത് അന്വേഷണം ആരംഭിച്ചിട്ടുണ്ട്. ധൻബാദ് എക്സ്പ്രസ് കടന്നുവന്ന പാതയില് എവിടെയെങ്കിലും ട്രെയിൻ അപകടങ്ങള് റിപ്പോർട്ട് ചെയ്തിട്ടുണ്ടോ എന്ന കാര്യം റെയില്വേ വിശദമായി പരിശോധിച്ചു വരികയാണ്.
SUMMARY: Human hand found under Dhanbad Express coach in Alappuzha
WhatsApp
Telegram
