ബെംഗളൂരു: കേരള നിയമസഭാ തിരഞ്ഞെടുപ്പില് 96 ൽ അധികം സീറ്റ് നേടി കോണ്ഗ്രസ് മുന്നണിചരിത്രം കുറിക്കുമെന്ന് ഡി കെ ശിവകുമാര്. സംസ്ഥാനത്തെ വിവിധ ഇടങ്ങളില് നടന്ന തിരഞ്ഞെടുപ്പ് പ്രചാരണത്തില് പങ്കെടുത്ത് മടങ്ങിയ കർണാടക ഉപമുഖ്യമന്ത്രിയും കെ.പി.സി.സി പ്രസിഡന്റുമായ ഡി കെ ശിവകുമാറും ശാന്തിനഗർ എം.എൽ.എ എൻ എ ഹരിസും മാധ്യമങ്ങളോട് സംസാരിക്കവേയാണ് തങ്ങളുടെ പ്രതീക്ഷകള് പങ്കുവെച്ചത്. പിണറായി സർക്കാറിനെ അധികാരത്തില് നിന്നും പുറത്താക്കാന് ഇനി ദിവസങ്ങൾ മാത്രമേ ഉള്ളൂ എന്നു ഇരുവരും അഭിപ്രായപ്പെട്ടു.
പ്രചാരണത്തിലെ അനുഭവങ്ങൾ രാഷ്ട്രീയത്തിന്റെ കണക്കുകൂട്ടലുകൾക്കപ്പുറം മനുഷ്യബന്ധങ്ങളുടെ ചൂടും പ്രതീക്ഷയുടെ പ്രകാശവും നിറഞ്ഞവയായിരുന്നു എന്നും അവർ സൂചിപ്പിച്ചു. ഓരോ മണ്ഡലത്തിലും വിജയത്തിന്റെ പ്രതീക്ഷകൾ ശക്തമായി ഉയരുന്നുവെന്നും ഈ ജനപിന്തുണ യുഡിഎഫിന് നിർണായകമായ മുന്നേറ്റം സമ്മാനിക്കുമെന്നും ഇരുവരും അഭിപ്രായപ്പെട്ടു.
കർണാടകയിൽ കോൺഗ്രസ് അധികാരത്തിൽ തിരിച്ചെത്തിയതിനു പിന്നാലെ ഒരാഴ്ചക്കുള്ളിൽ നടപ്പാക്കിയ ജനകീയ ഗ്യാരന്റികൾ ജനങ്ങളുടെ ജീവിതത്തിൽ സൃഷ്ടിച്ച മാറ്റം കേരളത്തിലെ ജനങ്ങളും വ്യക്തമായി തിരിച്ചറിഞ്ഞിരിക്കുകയാണ്. ഈ ബോധ്യം തന്നെയാണ് കേരളത്തിലെ ഓരോ മണ്ഡലങ്ങളിലും ഐക്യ ജനാധിപത്യ മുന്നണിയെ ജനങ്ങൾ അധികാരത്തിൽ എത്തിക്കാൻ പ്രചോദിപ്പിക്കുന്നത്. കർണാടകത്തിലെ ഉപതെരഞ്ഞെടുപ്പ് നടക്കുന്ന ഇരു മണ്ഡലങ്ങളിലും കോണ്ഗ്രസ് വിജയിക്കുമെന്നും ശിവകുമാര് കൂട്ടിച്ചേർത്തു.
SUMMARY: UDF will make history in Kerala by winning 96 seats- DK Shivakumar
WhatsApp
Telegram
