വാഷിങ്ടൺ: ഹോര്മുസ് കടലിടുക്ക് പൂർണമായും തുറക്കണമെന്ന അന്ത്യശാസനം ഇറാൻ തള്ളിയതോടെ വീണ്ടും ഭീഷണിയുമായി യുഎസ് പ്രസിഡന്റ് ഡോണള്ഡ് ട്രംപ്. ഒറ്റ രാത്രികൊണ്ട് ഇറാനെ അവസാനിപ്പിക്കാമെന്നും ആ രാത്രി ഒരുപക്ഷേ നാളെയായിരിക്കാമെന്നും ട്രംപ് പറഞ്ഞു. ഇറാൻ യുദ്ധത്തെക്കുറിച്ച് രാജ്യത്തെ അഭിസംബോധന ചെയ്യുകയായിരുന്നു ട്രംപ്.
ചൊവ്വാഴ്ചയ്ക്കകം ഹോർമുസ് കടലിടുക്ക് തുറന്നില്ലെങ്കിൽ ഇറാന്റെ വൈദ്യുതി നിലയങ്ങളും പാലങ്ങളും ഉൾപ്പെടെയുള്ള അടിസ്ഥാന സൗകര്യങ്ങൾ തകർക്കുമെന്നായിരുന്നു ട്രംപിന്റെ ഭീഷണി. ഈ അന്ത്യശാസനം ഇന്ത്യൻ സമയം ബുധനാഴ്ച രാവിലെ 5.30 വരെ നീട്ടിയിട്ടുണ്ട്. അതിന് മുമ്പ് ധാരണയിലെത്തിയില്ലെങ്കിൽ ഇറാനിലെ എല്ലാ പാലങ്ങളും ഇല്ലാതാക്കുമെന്ന് ട്രംപ് പറഞ്ഞു.
പശ്ചിമേഷ്യയിൽ 45 ദിവസത്തെ താൽക്കാലിക വെടിനിർത്തലിനും ഹോർമുസ് കടലിടുക്ക് തുറക്കുന്നതിനും മധ്യസ്ഥ രാജ്യങ്ങൾ മുന്നോട്ടുവച്ച കരട് നിർദേശം ഇറാൻ തള്ളി. വെടിനിർത്തൽ നിർദേശം നിരസിച്ചുകൊണ്ടുള്ള ഇറാന്റെ നിലപാടിൽ കടുത്ത അതൃപ്തി ട്രംപ് അറിയിച്ചിരുന്നു. ചൊവ്വാഴ്ചയ്ക്കകം ഒരു തീരുമാനത്തിലെത്തിയില്ലെങ്കിൽ ഇറാൻ കടുത്ത പ്രത്യാഘാതങ്ങൾ നേരിടേണ്ടിവരുമെന്ന് ട്രംപ് മുന്നറിയിപ്പ് നൽകിയിരുന്നു. എന്നാല് യുദ്ധം സ്ഥിരമായി അവസാനിപ്പിക്കണമെന്ന നിലപാട് ആണ് ഇറാൻ ആവർത്തിക്കുന്നത്.
SUMMARY: Trump threatens to destroy Iran overnight
