തുർക്കിയിലെ ഇസ്രയേൽ കോൺസുലേറ്റിനു മുന്നിൽ വെടിവയ്പ്; മൂന്നു മരണം

ഈസ്താംബുൾ: തുർക്കിയിലെ ഇസ്താംബൂളിലുള്ള ഇസ്രയേൽ കോൺസുലേറ്റ് കെട്ടിടത്തിന് പുറത്തുണ്ടായ വെടിവയ്പ്പിൽ മൂന്ന് പേർ കൊല്ലപ്പെടുകയും രണ്ട് പോലീസ് ഉദ്യോഗസ്ഥർക്ക് പരുക്കേൽക്കുകയും ചെയ്തതായി റോയിട്ടേഴ്‌സ് റിപ്പോർട്ട് ചെയ്യുന്നു. കോൺസുലേറ്റ് സ്ഥിതി ചെയ്യുന്ന അതീവ സുരക്ഷാ മേഖലയിലുണ്ടായ ഈ ആക്രമണം വലിയ നടുക്കമുണ്ടാക്കിയിട്ടുണ്ട്. പരുക്കേറ്റ ഉദ്യോഗസ്ഥരെ ഉടൻ തന്നെ ആശുപത്രിയിൽ പ്രവേശിപ്പിച്ചതായും സുരക്ഷാ സേന പ്രദേശം വളഞ്ഞ് അന്വേഷണം ആരംഭിച്ചതായും റിപ്പോർട്ടുകൾ സൂചിപ്പിക്കുന്നു.

İstanbul’un Beşiktaş ilçesinde, İsrail Konsolosluğu’nun bulunduğu bina önünde çıkan çatışmada 2 şüpheli etkisiz hale getirildi.

Terörist dediğimiz bir ülkenin konsolosluğu, Ülkemizde ne iş yapıyor. pic.twitter.com/ow7S3NS6LF

— Malazgirt Ruhu (@MalazgrtRuhu) April 7, 2026

ചൊവ്വാഴ്ച രാവിലെയാണ് സംഭവം. രണ്ടു വർഷത്തോളമായി കോൺസുലേറ്റ് കെട്ടിടം അടച്ചിട്ടിരിക്കുകയാണെന്നും ഇവിടെ ജീവനക്കാരില്ലെന്നും ഇസ്രയേൽ മാധ്യമമായ ജറുസലം പോസ്റ്റ് റിപ്പോർട്ട് ചെയ്തു. വെടിവെപ്പിനെക്കുറിച്ച് അന്വേഷിക്കാൻ മൂന്ന് പ്രോസിക്യൂട്ടർമാരെ നിയോഗിച്ചതായി തുർക്കി നീതിന്യായ മന്ത്രി അക്കിൻ ഗുർലെക് അറിയിച്ചു.
SUMMARY: Shooting outside Israeli consulate in Turkey; three dead