ബെംഗളൂരു: നിയന്ത്രണംവിട്ട ചരക്കുലോറി ബസ്, കാർ, 5 ബൈക്കുകൾ എന്നിവയിലേക്ക് ഇടിച്ചുകയറിയുണ്ടായ അപകടത്തിൽ 4 പേർ മരിച്ചു. 25 പേർക്കു പരുക്കേറ്റു. വിജയനഗര ജില്ലയിലെ ഹൊസാപേട്ട് താലൂക്കിലെ ദനാപുരി നടുത്തുള്ള ദേശീയപാതയിൽ ഞായറാഴ്ച രാവിലെയാണ് അപകടം. മരണസംഖ്യ ഇനിയും ഉയരാനിടയുണ്ടെന്ന് പോലീസ് പറഞ്ഞു.
ആദ്യം 2 ബൈക്കുകൾ ഇടിച്ചിട്ട ലോറി ബസിലേക്കും മറ്റു 3 ബൈക്കുകളിലേക്കും പാഞ്ഞുകയറി. പിന്നാലെ, കാറിനു മുകളിലേക്കു മറിഞ്ഞു. കാറിലുണ്ടായിരുന്നവരാണ് മരിച്ചത്. ഇടിയുടെ ആഘാതത്തിൽ കാർ പൂർണമായും തകർന്നു. അപകടത്തെത്തുടർന്ന് വിജയനഗര ദേശീയ പാത–50ൽ ഗതാഗതം വഴിതിരിച്ചുവിട്ടു.
SUMMARY: Four people died after an out-of-control lorry hit a car, bike and bus
