ബെംഗളൂരു: എസ്.എസ്.എൽ.സി. പരീക്ഷയിൽ സംസ്ഥാന തലത്തിൽ ആറാം റാങ്ക് നേടിയ അയ്യപ്പ എജുക്കേഷണൽ സെന്ററിലെ അങ്കിതയെ സമന്വയ എജുക്കേഷൻ ആൻഡ് ചാരിറ്റബിൾ ട്രസ്റ്റ് ദാസറഹള്ളി ഭാഗ് ടെമ്പിൾ ഏരിയ സ്ഥാനീയ സമിതിയും വൃന്ദാവനം ബാലഗോകുലവും ചേർന്ന് വീട്ടിലെത്തി അനുമോദിച്ചു. മാതൃസമിതി രക്ഷാധികാരി കനകാ മോഹൻ പൊന്നാട അണിയിച്ചു. സ്ഥാനീയ സമിതി രക്ഷാധികാരി ഹരികുമാർ ഉപഹാരം നൽകി.
ബാലഗോകുലം ദാസറഹള്ളി ഭാഗ് ബാലഗോകുലം സെക്രട്ടറി സുധീഷ് കൃഷ്ണൻ, സമന്വയ ദാസറഹള്ളി ഭാഗ് വൈസ് പ്രസിഡന്റ് സജിധരൻ, ബാലഗോകുലം പ്രസിഡന്റ് സന്ദീപ്, മാതൃസമിതി സെക്രട്ടറി അമ്പിളി, സ്ഥാനീയ സമിതി പ്രസിഡന്റ് അനിൽ കുമാർ, ഓർഗനൈസിങ് സെക്രട്ടറി രമേശ്, സെക്രട്ടറി സന്തോഷ് എന്നിവർ പങ്കെടുത്തു.
SUMMARY: The rank winner was congratulated.
