തിരുവനന്തപുരം: ഈ വർഷത്തെ എസ്‌എസ്‌എല്‍സി പരീക്ഷാ ഫലം മെയ് 15-ന് പ്രഖ്യാപിക്കുമെന്ന് വിദ്യാഭ്യാസ മന്ത്രി വി. ശിവൻകുട്ടി അറിയിച്ചു. ഫലപ്രഖ്യാപനത്തിന് പിന്നാലെ തന്നെ സർട്ടിഫിക്കറ്റുകളുടെ വിതരണവും ആരംഭിക്കും. ഹയർ സെക്കൻഡറി, വൊക്കേഷണല്‍ ഹയർ സെക്കൻഡറി പരീക്ഷാ ഫലങ്ങള്‍ മെയ് 22-ന് പ്രസിദ്ധീകരിക്കുമെന്നും മന്ത്രി തിരുവനന്തപുരത്ത് വാർത്താ സമ്മേളനത്തില്‍ വ്യക്തമാക്കി.
പുനർമൂല്യനിർണ്ണയത്തിനുള്ള അപേക്ഷകള്‍ ഫലപ്രഖ്യാപനത്തിന് തൊട്ടുപിന്നാലെ സ്വീകരിച്ചു തുടങ്ങും. മെയ് അവസാന വാരത്തോടെ ഇതിന്റെ ഫലം ലഭ്യമാക്കും. പ്ലസ് വണ്‍ പരീക്ഷാ ഫലം ജൂണ്‍ 10-ന് പ്രസിദ്ധീകരിക്കാനാണ് തീരുമാനിച്ചിരിക്കുന്നത്. പരീക്ഷാ ജോലികളില്‍ വീഴ്ച വരുത്തുന്ന അധ്യാപകർക്കെതിരെ കർശന നടപടിയുണ്ടാകുമെന്നും അവർക്ക് അക്കാദമിക് സ്പിരിറ്റ് വേണമെന്നും മന്ത്രി ഓർമ്മിപ്പിച്ചു.
വേനല്‍ച്ചൂട് കണക്കിലെടുത്ത് സുരക്ഷാ മുൻകരുതലുകള്‍ പാലിച്ചാണ് പഠന പിന്തുണാ ക്ലാസുകള്‍ പൂർത്തിയാക്കിയത്. രാവിലെ 7.30 മുതല്‍ 10.30 വരെയായിരുന്നു ക്ലാസുകള്‍ ക്രമീകരിച്ചിരുന്നത്. കടുത്ത ചൂടുള്ള ജില്ലകളില്‍ ഓണ്‍ലൈൻ ക്ലാസുകള്‍ക്ക് പ്രാധാന്യം നല്‍കി. ക്ലാസുകള്‍ നടത്താൻ കഴിയാത്ത സ്ഥലങ്ങളില്‍ കൃത്യമായ മാനദണ്ഡങ്ങള്‍ പാലിച്ച്‌ വിദ്യാർഥികള്‍ക്ക് മാർക്ക് നല്‍കാൻ നിർദ്ദേശം നല്‍കിയിട്ടുണ്ടെന്നും മന്ത്രി കൂട്ടിച്ചേർത്തു.
SUMMARY: SSLC exam results to be announced on May 15; V. Sivankutty
