ബെംഗളൂരു: കൊപ്പല്‍ ജില്ലയിലെ മുനിറാബാദിൽ ട്രാക്ടർ മറിഞ്ഞ് പിഞ്ചുകുഞ്ഞു ഉൾപ്പെടെ ഒരു കുടുംബത്തിലെ ആറ് പേർ മരിച്ചു. വിജയനഗര ജില്ലയിലെ കുഡ്‌ലിഗി മർലയാനഹള്ളി സ്വദേശികളായ കെഞ്ചപ്പ (35), മഹാന്തേഷ് (18), ഭരത് (1), സവിത (12), മാരേഷ്, ഗൗരമ്മ എന്നിവരാണ് മരിച്ചത്. ദാവൺഗരെയിലെ സന്ദൂരിൽ നിന്ന് ഹൂളിഗമ്മ ക്ഷേത്ര ദർശനത്തിനായി പുറപ്പെട്ട തീർത്ഥാടക സംഘമാണ് അപകടത്തിൽപ്പെട്ടത്.
Seven members of a family were killed after a tractor fell off the #Tungabhadra bridge near #Munirabad #Koppal district on Friday. More than 10 persons sustained injuries in the tragic accident. @NewIndianXpress @XpressBengaluru @ramupatil_TNIE @AmitSUpadhye @CMofKarnataka pic.twitter.com/fIazHrNSQS
— @Kiran_TNIE (@KiranTNIE1) May 15, 2026
തുംഗഭദ്ര ഡാമിന് സമീപം റോഡിലെ വലിയൊരു തിട്ടയിൽ (ഉയരമുള്ള ഭാഗം) നിന്ന് നിയന്ത്രണം നഷ്ടപ്പെട്ട് ട്രാക്ടർ താഴേക്ക് തലകീഴായി മറിയുകയായിരുന്നു. അപകടം നടക്കുമ്പോൾ കുട്ടികളടക്കം 19 പേരാണ് ട്രാക്ടറിലുണ്ടായിരുന്നത്. പരുക്കേറ്റ 13 പേരെ ഹോസ്പേട്ടിലെയും കൊപ്ലയിലേയും വിവിധ ആശുപത്രികളിൽ പ്രവേശിപ്പിച്ചിട്ടുണ്ട്. ഇതിൽ ചിലരുടെ പരുക്ക് അതീവ ഗുരുതരമാണെന്നാണ് ലഭ്യമാകുന്ന വിവരം. അപകടസ്ഥലത്ത് ഉടൻ തന്നെ നാട്ടുകാരും പോലീസും ചേർന്ന് രക്ഷാപ്രവർത്തനം നടത്തിയാണ് പരുക്കേറ്റവരെ ആശുപത്രിയിലെത്തിച്ചത്.
മരിച്ചവരുടെ മൃതദേഹങ്ങൾ പോസ്റ്റ്‌മോർട്ടത്തിനായി ഹോസ്‌പെട്ടിലെ സർക്കാർ ആശുപത്രി മോർച്ചറിയിലേക്ക് മാറ്റി. കൊപ്പൽ പോലീസ് സൂപ്രണ്ട് (എസ്‌പി) എൽ അരസിദ്ദി ഉൾപ്പെടെയുള്ള മുതിർന്ന പോലീസ് ഉദ്യോഗസ്ഥർ ആശുപത്രി സന്ദർശിച്ച് പരുക്കേറ്റവരിൽ നിന്ന് വിവരങ്ങൾ ശേഖരിച്ചു.
SUMMARY: Tractor overturns in accident; Six members of a family, including a one-year-old, die
