കൊച്ചി: മാസപ്പടി കേസുമായി ബന്ധപ്പെട്ട് എൻഫോഴ്സ്മെന്റ് ഡയറക്ടറേറ്റിന്റെ അന്വേഷണം തടയണമെന്നാവശ്യപ്പെട്ട് സിഎംആർഎല്‍ ഹൈക്കോടതിയില്‍ അപ്പീല്‍ നല്‍കി. നേരത്തെ സിംഗിള്‍ ബെഞ്ച് ഈ ആവശ്യം നിരസിച്ചിരുന്നു. ഇ ഡി ശേഖരിച്ച തെളിവുകളുടെ അടിസ്ഥാനത്തില്‍ വീണ വിജയനെ ചോദ്യം ചെയ്യാൻ വിളിപ്പിക്കുന്നതിനിടെയാണ് കമ്പനി വീണ്ടും കോടതിയെ സമീപിച്ചത്. നോട്ടീസ് നല്‍കുന്ന കാര്യത്തില്‍ ഇന്ന് തീരുമാനമുണ്ടാകുമെന്നാണ് വിവരം.
റെയ്ഡിനിടെ കണ്ടെത്തിയ ഡയറിയിലെ മറ്റ് പേരുകളെയും കേന്ദ്രീകരിച്ച്‌ ഇ ഡി അന്വേഷണം വ്യാപിപ്പിച്ചിട്ടുണ്ട്. 2019ല്‍ ക്ലോസ് ചെയ്ത വീണ വിജയന്റെ അബുദാബി ബാങ്ക് അക്കൗണ്ടും അന്വേഷണ പരിധിയിലാണ്. ഈ അക്കൗണ്ടിലൂടെയുള്ള ഇടപാടുകള്‍ പരിശോധിക്കുമെന്ന് ഉദ്യോഗസ്ഥർ അറിയിച്ചു. ആകെ 242 അക്കൗണ്ടുകളിലായി 18.36 കോടി രൂപ ഇ ഡി മരവിപ്പിച്ചിട്ടുണ്ടെന്നും ഇതില്‍ വീണ വിജയനുമായി ബന്ധപ്പെട്ട ചില അക്കൗണ്ടുകളും ഉള്‍പ്പെടുന്നതായും റിപ്പോർട്ടുകളുണ്ട്.
SUMMARY: CMRL approaches High Court to stop ED investigation into monthly payment case involving Veena Vijayan
