ബെംഗളൂരു: കേരള സർക്കാർ പൊതുവിദ്യാഭ്യാസ വകുപ്പും മലയാളം മിഷനും സംയുക്തമായി സംഘടിപ്പിക്കുന്ന പത്താംതരം തുല്യതയ്ക്കായുള്ള നീലക്കുറിഞ്ഞി സീനിയർ ഹയർ ഡിപ്ലോമ പരീക്ഷ ജൂലൈ 5-ന് (ഞായറാഴ്ച) ബെംഗളൂരുവിൽ നടക്കും. വിമാനപുരയിലുള്ള കൈരളി നിലയം സെൻട്രൽ സ്കൂളാണ് പരീക്ഷാകേന്ദ്രം.
കർണാടക ചാപ്റ്ററിൽ നിന്ന് ഏഴ് വിദ്യാർഥികളാണ് ഇത്തവണ പരീക്ഷയെഴുതുന്നത്. കർണാടകയിൽ നിന്ന് പരീക്ഷ എഴുതുന്ന രണ്ടാമത്തെ ബാച്ചാണിതെന്ന് ഭാരവാഹികൾ അറിയിച്ചു.
രാവിലെ 10 മണി മുതൽ ഉച്ചയ്ക്ക് 1.15 വരെയാണ് പരീക്ഷ നടക്കുക. പരീക്ഷാർഥികൾ രാവിലെ 9 മണിക്കകം പരീക്ഷാകേന്ദ്രത്തിൽ റിപ്പോർട്ട് ചെയ്യണമെന്ന് അധികൃതർ നിർദേശിച്ചിട്ടുണ്ട്.
പരീക്ഷയുമായി ബന്ധപ്പെട്ട കൂടുതൽ വിവരങ്ങൾക്ക് കർണാടക ചാപ്റ്റർ സെക്രട്ടറിയെ 97316 1239 എന്ന നമ്പറിൽ ബന്ധപ്പെടാമെന്ന് ഭാരവാഹികൾ അറിയിച്ചു.
SUMMARY: Neelakurinji equivalency exam on Sunday
