കൊച്ചി: ദിലീഷ് പോത്തന്‍റെ സംവിധാനത്തില്‍ മോഹന്‍ലാല്‍ നായകനാവുന്ന ചിത്രം ഔദ്യോഗികമായി പ്രഖ്യാപിച്ചു. നെടുങ്കണ്ടം മിറക്കിള്‍ എന്നാണ് ചിത്രത്തിന്റെ പേര്. മോഹൻലാലാണ് തന്‍റെ ഔദ്യോഗിക ഫെയ്സ്ബുക്ക് പേജിലൂടെ പേര് പുറത്തുവിട്ടത്. ദിലീഷ് പോത്തന്‍റെ സംവിധാനത്തിൽ മോഹൻലാൽ അഭിനയിക്കുന്നത് ഇതാദ്യം. ചിത്രത്തിന്റെ അനൗൺസ്മെന്റ് വീഡിയോയും ടൈറ്റിൽ പോസ്റ്ററും പുറത്തിറങ്ങി.
ജോജി പുറത്തിറങ്ങി അഞ്ച് വര്‍ഷത്തെ ഇടവേളയ്ക്ക് ശേഷം ദിലീഷ് പോത്തന്‍ സംവിധാനം ചെയ്യുന്ന ചിത്രമാണ് ഇത്. ശ്യാം പുഷ്കരനും പോള്‍സണ്‍ സ്കറിയയും ചേര്‍ന്ന് തിരക്കഥയൊരുക്കുന്ന ചിത്രത്തിന്റെ നിര്‍മ്മാണം ജോണ്‍ ആന്‍ഡ് മേരി ക്രിയേറ്റീവിന്‍റെ ബാനറില്‍ അച്ചു ബേബി ജോണ്‍ ആണ്. മലൈക്കോട്ടൈ വാലിബന് ശേഷം ഈ ബാനര്‍ നിര്‍മ്മിക്കുന്ന ചിത്രമാണിത്. സംഗീതം സുഷിൻ ശ്യാം നിർവഹിക്കും. ക്യാമറ ഷൈജു ഖാലിദും,എഡിറ്റിങ്ങ് സൈജു ശ്രീധരനും പ്രൊഡക്ഷൻ ഡിസൈൻ അജയൻ ചാലിശ്ശേരിയും നിർവഹിക്കും.വസ്ത്രാലങ്കാരം മഷർ ഹംസയും മേക്കപ്പ് റോണക്‌സ് സേവ്യറുമാണ്. ഭാവന റിലീസ് വിതരണത്തിനെത്തിക്കുന്ന സിനിമയുടെ ചിത്രീകരണം തിരുവനന്തപുരം, ഇടുക്കി, ചെന്നൈ എന്നിവിടങ്ങളിലായി നടക്കും.
SUMMARY: The long-awaited collaboration; Mohanlal-Dileesh Pothen’s film ‘Nedumkandam Miracle’ officially announced
