തിരുവനന്തപുരം: തിരുവനന്തപുരത്ത് റോഡ് നിർമാണത്തിനിടെ ഗ്യാസ് പൈപ്പ് ലൈൻ പൊട്ടി വാതക ചോർച്ച. കുമാരപുരം പൂന്തി റോഡിലാണ് സംഭവം. വാതക ചോർച്ചയെ തുടർന്ന് ആളുകളെ സ്ഥലത്ത് നിന്ന് ഒഴിപ്പിച്ചു. അഗ്നിശമനാസേന സ്ഥലത്തെത്തി വാതക ചോർച്ച പരിഹരിക്കാനുള്ള നടപടികള് സ്വീകരിച്ചു. മണ്ണുമാന്തി യന്ത്രം ഉപയോഗിച്ച് മണ്ണെടുക്കുന്നതിനിടയില് അടിയിലൂടെ കടന്നുപോകുന്ന ഗ്യാസ് പൈപ്പ് ലൈനില് തട്ടുകയായിരുന്നു എന്നാണ് വിവരം.
ഈ ഭാഗത്തേയ്ക്കുള്ള വാല്വെല്ലാം അടച്ച് പൈപ്പിന്റെ അറ്റക്കുറ്റപണികള് ആരംഭിച്ചിട്ടുണ്ട്. നിലവില് ഗ്യാസ് ചോർച്ച നിയന്ത്രിക്കാൻ കഴിഞ്ഞിട്ടുണ്ടെന്നാണ് ലഭിക്കുന്ന വിവരം. കൂടുതല് അപകടങ്ങള് ഒഴിവാക്കുന്നതിനായി ഈ ലൈനിലൂടെയുള്ള ഗ്യാസ് വിതരണം താല്ക്കാലികമായി നിർത്തലാക്കി. സ്ഥിതിഗതികള് നിയന്ത്രണവിധേയമാണെന്നും പൈപ്പ് ലൈനിന്റെ കേടുപാട് പരിഹരിക്കാനുള്ള ശ്രമങ്ങള് പുരോഗമിക്കുകയാണെന്നും അധികൃതർ അറിയിച്ചു.
SUMMARY: Pipe bursts during road construction in Thiruvananthapuram; gas pipeline leak
