റിയാദ്: റിയാദ് വിമാനത്താവളത്തിലെ പാസഞ്ചർ ഹാളിൽ പ്രൊജക്ടൈൽ പതിച്ച് ഞായറാഴ്ച നടന്ന ആക്രമണത്തിൽ ഒരു പാകിസ്ഥാൻ പൗരൻ കൊല്ലപ്പെടുകയും 11 പേർക്ക് പരുക്കേൽക്കുകയും ചെയ്തു. ശനിയാഴ്ച നടന്ന മിസൈൽ ആക്രമണത്തിൽ ഒരു ഇന്ത്യക്കാരൻ ഉൾപ്പെടെ 13 പേർ കൊല്ലപ്പെടുകയും 308 പേർക്ക് പരുക്കേൽക്കുകയും ചെയ്തിരുന്നു. ഹൈദരാബാദ് സ്വദേശിയായ അലി യൂസുഫ് ആണ് മരിച്ചത്. ആക്രണത്തിൽ അലി യൂസഫിന്റെ ഭാര്യക്കും മൂന്ന് മക്കൾക്കും പരുക്കേറ്റു. ഉംറ തീർഥാടനത്തിന് വിമാനത്താവളത്തിലെത്തിയതായിരുന്നു കുടുംബം. പരിക്കേറ്റ രണ്ട് മക്കളുടെ നില ഗുരുതരമാണ്.
തുടർച്ചയായ വ്യോമാക്രമണ ഭീഷണികളുടെ പശ്ചാത്തലത്തിൽ റിയാദിലെ കിംഗ് ഖാലിദ് അന്താരാഷ്ട്ര വിമാനത്താവളം ഈ മാസം 17വരെ അടച്ചു. വ്യോമാക്രമണ ഭീഷണ മുന്നറിയിപ്പുകൾ നൽകുകയും പ്രതിരോധ സംവിധാനങ്ങൾ ശക്തമാക്കുകയും ചെയ്തിട്ടുണ്ട്. സ്കൂളുകളിൽ ഈയാഴ്ച ക്ലാസുകൾ ഓൺലൈനിലാക്കി. റിയാദിലെ ബിസിനസ് ഹബ്ബിൽ ജീവനക്കാർ വർക്ക് ഫ്രം ഹോം തെരഞ്ഞെടുത്തു. എയർ ഫ്രാൻസ്, ലുഫ്ത്താൻസ, എയർ ഇന്ത്യ, ശ്രീലങ്കൻ എയർലൈൻസ് ഉൾപ്പെടെയുള്ള അന്താരാഷ്ട്ര വിമാനക്കമ്പനികൾ റിയാദിലേക്കുള്ള വിമാന സർവീസുകൾ താത്കാലികമായി റദ്ദാക്കിയിട്ടുണ്ട്.
SUMMARY: Houthi attack in Riyadh; one more person killed; Riyadh airport closed until the 17th.
