തൃശൂർ: നവരാത്രി ആഘോഷങ്ങള്‍ക്കായി തമിഴ്നാട് മുഖ്യമന്ത്രി സി ജോസഫ് വിജയ് നാളെ കേരളത്തില്‍ എത്തും. തൃശ്ശൂരില്‍ കല്യാണ്‍ ജ്വല്ലേഴ്സ് ഉടമ ടി എസ് കല്യാണരാമന്റെ വസതിയില്‍ ആഘോഷങ്ങളില്‍ പങ്കെടുക്കും. കല്യാണ്‍ ഗ്രൂപ്പ്സ് വിപുലമായ നവരാത്രി ആഘോഷങ്ങള്‍ക്കാണ് തയ്യാറെടുക്കുന്നത്. മുൻവർഷങ്ങളില്‍ അമിതാഭ് ബച്ചൻ ഉള്‍പ്പെടെയുള്ള നിരവധി പ്രമുഖർ കല്യാണ്‍ ഗ്രൂപ്പിന്റെ ആഘോഷങ്ങളില്‍ പങ്കെടുത്തിരുന്നു.
കോയമ്പത്തൂരിലെ ഗാന്ധിപുരത്ത് സജ്ജീകരിച്ചിരിക്കുന്ന ‘പെരിയാർ അറിവുലകം’ ലൈബ്രറിയുടെ ഉദ്ഘാടനം നാളെ (ഒക്ടോബർ 16) തമിഴ്നാട് മുഖ്യമന്ത്രി വിജയ് നിർവഹിക്കും. തുടർന്ന് കോയമ്പത്തൂരിലെ പരിപാടികള്‍ പൂർത്തിയാക്കിയ ശേഷം അദ്ദേഹം അവിടെ നിന്ന് ഹെലികോപ്റ്ററില്‍ കേരളത്തിലേക്ക് എത്തുമെന്നാണ് റിപ്പോർട്ട്. തൃശ്ശൂരിലെ ഗുരുവായൂർ ക്ഷേത്രം സന്ദർശിക്കാനും അദ്ദേഹം പദ്ധതിയിടുന്നുണ്ടെന്നും റിപ്പോർട്ടുണ്ട്.
SUMMARY: Vijay to be in Kerala tomorrow for Navaratri celebrations
