ഇടുക്കി: കുടുംബകലഹത്തെത്തുടര്‍ന്ന് യുവാവ് ഭാര്യയെയും ഭാര്യാമാതാവിനെയും വെട്ടിക്കൊലപ്പെടുത്തി. ഗ്ലെന്‍മേരി സ്വദേശി പ്രിന്‍സ് അറസ്റ്റില്‍. പ്രിന്‍സിന്റെ ഭാര്യ പ്രിയങ്ക (30), അമ്മ നേശം (62) എന്നിവരാണ് കൊല്ലപ്പെട്ടത്. സാരമായി പരുക്കേറ്റ പ്രിയങ്കയുടെ പിതാവ് ഇസ്രയേലിനെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. പ്രിയങ്ക വിദേശത്താണ് ജോലി ചെയ്തിരുന്നത്. ഒരു മാസം മുമ്പാണ് നാട്ടിലെത്തിയത്. ഇന്നലെ രാത്രിയോടെ ഗ്ലെന്‍മേരി എസ്റ്റേറ്റ് ലയത്തിലാണ് സംഭവം.
ഉച്ചത്തിലുള്ള കരച്ചിലും ബഹളവും കേട്ട് അയല്‍വാസികള്‍ എത്തിയപ്പോള്‍ ആണ് ദാരുണ സംഭവം പുറത്തറിഞ്ഞത്. വിവരം അറിയിച്ചതിനെത്തുടര്‍ന്ന് എത്തിയ പോലീസ്, പരിസരത്തുനിന്നു തന്നെ പ്രിന്‍സിനെ കസ്റ്റഡിയിലെടുക്കുകയായിരുന്നു. നാളുകളായി കുടുംബപ്രശ്നങ്ങള്‍ ഉണ്ടായിരുന്നു എന്നാണ് പ്രദേശവാസികള്‍ നല്‍കുന്ന വിവരം. പ്രിന്‍സ് മദ്യലഹരിയില്‍ നിരന്തരം പ്രശ്നങ്ങള്‍ ഉണ്ടാക്കിയിരുന്നു എന്നു പോലീസ് പറഞ്ഞു. മൃതദേഹങ്ങള്‍ പീരുമേട് താലൂക്ക് ആശുപത്രിയിലേക്കു മാറ്റി.
SUMMARY: A young man murdered his wife and mother-in-law
