ബെംഗളൂരു: ഹൈദരാബാദ്-ബെംഗളൂരു റൂട്ടിൽ എല്ലാ ഹൈ-എൻഡ് എയർകണ്ടീഷൻ ചെയ്ത (എസി) സർവീസുകളിലും ടിക്കറ്റ് നിരക്ക് കുറച്ച് തെലങ്കാന സ്റ്റേറ്റ് റോഡ് ട്രാൻസ്‌പോർട്ട് കോർപ്പറേഷൻ (ടിജിഎസ്ആർടിസി). ടിക്കറ്റ് നിരക്കിൽ 10 ശതമാനം കിഴിവ് ആണ് കോർപറേഷൻ പ്രഖ്യാപിച്ചത്.
ഹൈദരാബാദ് മുതൽ ബെംഗളൂരു വരെയും തിരിച്ചും ഈ ഇളവ് ബാധകമാണ്. നിലവിൽ പ്രതിദിനം 26 ബസ് സർവീസുകൾ ഈ റൂട്ടിൽ പ്രവർത്തിക്കുന്നുണ്ട്. ഹൈദരാബാദ്-ബെംഗളൂരു റൂട്ടിൽ യാത്രക്കാരുടെ തിരക്ക് കൂടുതലായതിനാലാണ് തീരുമാനം.
യാത്രക്കാർക്ക് സാമ്പത്തിക ബാധ്യത കുറയ്ക്കുക എന്ന ഉദ്ദേശത്തോടെയാണ് നടപടിയെന്ന് ആർടിസി അധികൃതർ പറഞ്ഞു. ഇതോടെ യാത്രക്കാർക്ക് കുറഞ്ഞത് 50 രൂപ മുതൽ 100 രൂപ വരെ ലാഭിക്കാനാകുമെന്നാണ് വിലയിരുത്തൽ. മുൻകൂട്ടി റിസർവേഷൻ ചെയ്യുന്ന യാത്രക്കാർക്ക് മാത്രമേ കോർപ്പറേഷൻ ഇളവുകൾ നൽകുള്ളുവെന്ന് ടിജിഎസ്ആർടിസി അധികൃതർ അറിയിച്ചു.
TAGS: BENGALURU UPDATES | TGSRTC
SUMMARY: Hyderabad bengaluru bus ticket price reduced by 10 percent
