ബെംഗളൂരു: ചെക്ക് കേസുമായി ബന്ധപ്പെട്ട് ബെംഗളൂരുവിലെ ജിടി വേൾഡ് മാളിനെതിരെ വീണ്ടും നടപടിക്കൊരുങ്ങി ബിബിഎംപി. നികുതി കുടിശ്ശിക തീർപ്പാക്കാത്തതുമായി ബന്ധപ്പെട്ട് നേരത്തെ മാളിനെതിരെ ബിബിഎംപി കേസ് രജിസ്റ്റർ ചെയ്തിരുന്നു. തുടർന്ന് 1.7 കോടി രൂപയുടെ ചെക്ക് മാൾ മാനേജ്മെന്റ് ബിബിഎംപിക്ക് കൈമാറിയിരുന്നു. എന്നാൽ ഈ ചെക്ക് ബൗൺസ് ആയതോടെ മാളിനെതിരെ നടപടി എടുക്കുമെന്ന് ബിബിഎംപി വ്യക്തമാക്കി.
അടുത്തിടെ ധോത്തി ധരിച്ചെത്തിയ കർഷകനായ ഫക്കീരപ്പയ്ക്ക് പ്രവേശനം നിഷേധിച്ചതിന് ജിടി വേൾഡ് മാൾ മാനേജ്‌മെൻ്റിനെതിരെ മറ്റൊരു എഫ്ഐആർ രജിസ്റ്റർ ചെയ്തിരുന്നു. തുടർന്ന് ഏഴ് ദിവസത്തേക്ക് മാൾ അടച്ചിടാൻ സർക്കാർ ഉത്തരവിട്ടിരുന്നു.
നികുതി അടക്കാത്തതിനാൽ ശനിയാഴ്ച മാൾ അടക്കാൻ ബിബിഎംപി തീരുമാനിച്ചിരുന്നെങ്കിലും ചെക്ക് നൽകി മാൾ മാനേജ്മെന്റ് നടപടി തടയുകയായിരുന്നു. എന്നാൽ ചെക്ക് ബൗൺസ് ആയതോടെ ചീഫ് കമ്മീഷണറുടെ ഉത്തരവ് പ്രകാരം മാൾ പൂട്ടാനുള്ള എല്ലാ തയ്യാറെടുപ്പുകളും ബിബിഎംപി നടത്തുന്നുണ്ടെന്ന് ചീഫ് കമ്മീഷണർ തുഷാർ ഗിരിനാഥ് പറഞ്ഞു.
TAGS: BENGALURU | GT WORLD MALL
SUMMARY: GT Mall faces threat of closure again after cheque towards tax dues bounces
