ബെംഗളൂരു: നിർത്തിയിട്ടിരുന്ന ട്രക്കിൽ കാറിടിച്ച് യുവതിക്ക് ദാരുണാന്ത്യം. റായ്ച്ചൂർ ഗുഞ്ചല്ലൈ ടോൾ പ്ലാസയ്ക്ക് സമീപം ചൊവ്വാഴ്ച രാത്രിയോടെയാണ് അപകടം. ടോൾ പ്ലാസയ്ക്ക് സമീപം പാർക്ക് ചെയ്തിരുന്ന ട്രക്കിൽ നിയന്ത്രണം വിട്ട കാർ വന്നിടിക്കുകയായിരുന്നു.
ഹഞ്ചിനാല ഗ്രാമത്തിലെ അന്നപൂർണയാണ് (34) മരിച്ചത്. കാറിലുണ്ടായിരുന്നവർ വിജയപുരയിൽ നിന്ന് മടങ്ങുമ്പോഴായിരുന്നു അപകടം. കാർ ഓടിച്ചിരുന്ന അന്നപൂർണയുടെ സഹോദരൻ നവീനിന് സാരമായി പരുക്കേറ്റു. ഇയാളെ സമീപത്തെ ആശുപത്രിയിലേക്ക് മാറ്റി. യരഗെര പോലീസ് സംഭവത്തിൽ കേസെടുത്തു.
TAGS: KARNATAKA | ACCIDENT
SUMMARY: Woman dies after car rams into parked truck
